Nazyma je tu a dypkownje k spočatkej počasa předleži Serbska protyka 2026, kiž wěnuje so serbskemu kwasej. Na někajke wašnje ma kóždy swoje dopomnjenki na njezapomnite kwasne dožiwjenje. Dźěći a młodostni na přikład na prěnju baseń před cyłej kwasnej hosćinu, dorosćeni skerje na swójski kwas, na přihoty a rozpjeršenosć, hač drje wšitko tak wotběži, a starša generacija na slěborny abo samo swój złoty kwas, kiž dźakownje woswjećichu. Z „našimi“ kwasami zwjazujemy lóštne swjedźenja, swójbne zetkanja, zhromadne spěwanje a rejowanje a wězo dobru jědź.
Kak pak kwasowaše so před wjac hač sto lětami? Kak swjeća naši słowjanscy susodźa kwasy? A što hercy takle dožiwjeja? To su někotre dypki, kiž so w Protyce 2026 wobswětla.
Po zwučenym wašnju pokuknjemy pak tež přez kromu talerja a podamy so do stawiznow a přirody, pućujemy po horach a cuzych krajach a wotkryjemy sej tu jednu abo druhu zajimawostku.