Słuchokniha z twórbami Alfons Frencla wušła
Při tym wědźeše našu mału Łužicu z wulkim swětom zwjazać a pokaza, zo hižo za dworowymi wrotami nańdźeš podawki a podeńdźenja, wo kotrychž je hódno pisać. Wuběr jeho tekstow ze wšěch dobow skutkowanja sławneho serbskeho publicista je Michał Šołta zestajił, kotrež wě Stanisław Brankačk pod režiju Michała Cyža ze swojim čućiwym hłosom słucharjam zbližić. A tež Frenclowy hłós je w interviewje z Blanku Funcynej słyšeć. Tuž podajmy so na serbske šćežki, hač w adwenće abo měrnje pod hodownym štomom.