Stawizny dožiwić – 800lětne Chrósćicy wotkryć!
- dohlady do jimacych stawiznow wosady a wsy
- wjace hač 300 historiskich a aktualnych wobrazow
- ekskluziwne dalše wobsahi, wideja a wobrazy na webstronje (QR-kode w knize)
Wopyt dweju pozdźišeju bamžow, mjezynarodny folklorny festiwal Łužica, šulski zběžk abo Europeada – tole su wšitko mězniki w stawiznach serbskeje katolskeje wsy a wosady Chrósćicy zašłych sto lět. Wona woswjeći lětsa swoju 800. róčnicu pisomneho naspomnjenja a tuž je na času so po njej rozhladować! Najwšelakoriše nastawki wotkrywaja zajimawostki ze stawiznow wosady, wopisuja wokolne wjeski a skićeja dohlady do tudyšeho pastoralneho, sportoweho a kulturneho žiwjenja.
Njeličomne fota z archiwow a priwatnych rukow, wjele z nich dotal njewozjewjene, rysuja pisany wobraz serbskich wsow a jich bywšich a nětčišich wobydlerjow. Podajće so na putace pućowanje po lětstotkach, wotkrywajće sej swójbne stawizny a zhladujće wróćo na wjesołe, ale tež ćežke časy Chróšćanskeje wosady.
Kniha wuńdźe srjedź junija - nětko hižo předskazać!
Das Buch erscheint Mitte Juni - jetzt schon vorbestellen!