Z nowej knihu „BOOKii – Wotkryj sej swoje ćěło!“ zhoni dźěćo wšitko wokoło ćěła a dóstanje wotmołwy na prašenja: Kak rosćemy? Su zuby kosće? Kak husto bije wutroba? Zwotkel ćěło wě, što ma činić? Za čo trjebamy woči a wuši? Na dwójnych a barbnje ilustrowanych stronach so tute rozłožuja. Z pomocu BOOKii-pisaka namakaja so dalše zajimawostki pod woknješkami. Přidatnje wabja hry najwšelakorišeho razu do słuchanja, slědźenja a wuhódanja. Starši ze swojimi dźěćimi njech pytaja za małej nopawu, kotraž so na kóždej stronje něhdźe chowa!

wot 4 lět

Nawod, jeli BOOKii-pisak raz nochce abo njefunguje:

Nochce-li BOOKii-pisak snano raz tak abo ničo so njewothrawa, je aktualizowanje trěbne. Přez sćěhowacy link dóńdźeće na internetowu stronu: https://www.bookii.de/support/update/. Tu je wotpowědny „software installer“ jako download składowany, kotryž aktualne wersije na pisaku zarjaduje. BOOKii-pisak při kompjuteru přizamknyć a potom wšitko tak wuwjesć, kaž so praji. Po tym dadźa so nowe knihi z lochkosću instalować.