Pśisamem 120 basnjow wot 21 basnikarkow a basnikarjow – wot Fryca Foba (*1895) až ku Katharinje Gutšmidtojc (*1983) – stworiju pśewšo zajmnu a reprezentatiwnu zběrku dolnoserbskego basnikarstwa slědnych poł hundert lět a daju dłymoko do duše dolnoserbskego luda glědaś. Toś ta prědna dolnoserbska antologija basnjow po wěcej ako 70 lětach su bejnje wažne knigły, dokulaž pokažu na doněnta nic k wěsći branu lyrisku tradiciju a pśedstajiju w cełem wobstawne byśe dolnoserbskeje lyriki (Christiana Piniekowa).