Pśedslědny zwězk cełkownego wudawka wopśimjejo 57 wuchowanych listow Kosyka z jogo slědneje žywjeńskeje a twórjeńskeje faze, adresowanych wósebnje Arnoštoju Muce, Bogumiłoju Šwjeli a Minje Witkojc. Listowanje njewjeźo cytarja jano pó žywjenju fararja a farmarja na wuměńku w Oklahomje. Zrownju zgónijo Kosykowe kradu zajmne mysli wó tšojenjach tam w USA a how w Europje za cas Weimarskeje republiki, Tśeśego rajcha a Drugeje swětoweje wójny. Jeje wukóńc njejo lěta 1940 zamrěty Kosyk wěcej dožywił.