Cover

Wětrnik na třěše

Dopomnjeća na młode a zrałe lěta

Po prěnjej knize memoarow „Zabych ći něšto rjec“ wjedźe Jurij Koch w swojich dalšich dopomnjenkach čitarja do časa swojeje młodosće a zrałych lět. Čerstwosć a wotmach jeho přirodneho powědanja z humorom a ironiju budźetej čitarja znowa putać a z někotrymžkuli wotkryćom překwapjeć.


Beschreibung

Knihu dóstanjeće tež jako e-book: buecher.de, hugendubel.de, libreka.de, amazon.de.


Po prěnjej knize memoarow „Zabych ći něšto rjec“ (2010) wjedźe Jurij Koch w swojich dalšich dopomnjenkach „Wětrik na třěše“ čitarja do časa swojeje młodosće a zrałych lět. Tónle wotrězk jeho žiwjenja saha wróćo do Hórkow, Dobrošić, Budyšina a Choćebuza, hdźež po wuchodźenju čěskeho gymnazija we Varnsdorfje šulu hač k abiturje 1954 pokročuje a prěnje nazhonjenja lubosće dožiwja. Wón widźi sam sebje, swojich sobušulerjow a wučerjow a rysuje podawki z wěsteho pomjatka, kak bě so na přikład za přistajenje jako redaktor młodźinskeho časopisa „Chorhoj měra“ nawabić dał a pozdźišo w „Nowym Casniku“ dźěłał. Awtor wopisuje swój čas studija žurnalistiki w „małym Parisu“ a serbske internatne žiwjenje w „Zejlerju“, nic naposledk swoje dźěło jako reporter a spisowaćel w Choćebuzu. Wšě za njeho relewantne podeńdźenja a z nimi zwjazanych ludźi předstaja Jurij Koch na pozadku časowych wobstejnosćow a reflektuje je z wědu přitomnosće z wótrym a kritiskim wóčkom. Čerstwosć a wotmach jeho přirodneho powědanja z humorom a ironiju budźetej čitarja znowa putać a z někotrymžkuli wotkryćom překwapjeć.

Čitanski wurězk z knihi »Wětrnik na třěše«
Redakcija ma tři rumy. W prěnim, hnydom za zachodnymi durjemi, syda Marja Koklic a pisa a hromadźi nastawki a hódančka a wobrazy za dźěćacy časopis Płomjo. Jeho wjetša a z tym wuznamniša sotra je Chorhoj. Tohodla słušeja jej tři rumy. W prěnim sedźitej holcy a pjelnitej rubriku Za naše holcy. A molujetej skicy dołhich suknjow a cankatych bluzow a šowatych štrympow. Ideje kradnjetej sej z němskich modowych časopisow. A pod doporučacymi tekstami podpisuje so w kóždym čisle někajka Hilža, kiž so jako šwalča wudawa …
Redaktorkomaj napřećo syda redaktor, zasadźity kadla ze stajnje šibałym posměwkom. Arnošt Bjenada jězdźi wšědnje z kolesom z Malešec do redakcije. Jemu je napołožene, w dalšich žurnalach za nastawkami wo techniskich wunamakanjach a ekstremnych swětowych dyrdomdejstwach pytać. Jeho najzbožowniša namakanka je rozpisanje najwyšich horow swěta w němskim Magazinje, kak je w meji 53 nowoseelandski pčołar Edmund Hillary wjeršk Everest docpěł. Kelko ćěłow w skłoninach Nepala we wěčnym lodźe leži, kak bě so w juliju 53 Hermann Buhl hač na wjeršk wjace hač wósom kilometrow wysokeho horiska Nanga Parbat dokrosnił … Z toho časa dźerži so w mojim pomjatku hora Parbat kaž do spěcha honjace napominanje, zo dyrbi čłowjek přeco wyše chcyć, hačrunjež su dračowanja na hórske wjerški w poslednjej konsekwency hotowy humbug.

Zusatzinformation

ISBN 978-3-7420-2293-6
Sprache des Artikels Obersorbisch
Bibliografische Angaben 1. nakł. 2014
116 s., wobrazy, kruta wjazba

Verfügbarkeit: Auf Lager

Lieferzeit (Arbeitstage): 2-3

12,90 €
inkl. 7% MwSt., zzgl. Versandkosten

Beschreibung

Knihu dóstanjeće tež jako e-book: buecher.de, hugendubel.de, libreka.de, amazon.de.


Po prěnjej knize memoarow „Zabych ći něšto rjec“ (2010) wjedźe Jurij Koch w swojich dalšich dopomnjenkach „Wětrik na třěše“ čitarja do časa swojeje młodosće a zrałych lět. Tónle wotrězk jeho žiwjenja saha wróćo do Hórkow, Dobrošić, Budyšina a Choćebuza, hdźež po wuchodźenju čěskeho gymnazija we Varnsdorfje šulu hač k abiturje 1954 pokročuje a prěnje nazhonjenja lubosće dožiwja. Wón widźi sam sebje, swojich sobušulerjow a wučerjow a rysuje podawki z wěsteho pomjatka, kak bě so na přikład za přistajenje jako redaktor młodźinskeho časopisa „Chorhoj měra“ nawabić dał a pozdźišo w „Nowym Casniku“ dźěłał. Awtor wopisuje swój čas studija žurnalistiki w „małym Parisu“ a serbske internatne žiwjenje w „Zejlerju“, nic naposledk swoje dźěło jako reporter a spisowaćel w Choćebuzu. Wšě za njeho relewantne podeńdźenja a z nimi zwjazanych ludźi předstaja Jurij Koch na pozadku časowych wobstejnosćow a reflektuje je z wědu přitomnosće z wótrym a kritiskim wóčkom. Čerstwosć a wotmach jeho přirodneho powědanja z humorom a ironiju budźetej čitarja znowa putać a z někotrymžkuli wotkryćom překwapjeć.

Čitanski wurězk z knihi »Wětrnik na třěše«
Redakcija ma tři rumy. W prěnim, hnydom za zachodnymi durjemi, syda Marja Koklic a pisa a hromadźi nastawki a hódančka a wobrazy za dźěćacy časopis Płomjo. Jeho wjetša a z tym wuznamniša sotra je Chorhoj. Tohodla słušeja jej tři rumy. W prěnim sedźitej holcy a pjelnitej rubriku Za naše holcy. A molujetej skicy dołhich suknjow a cankatych bluzow a šowatych štrympow. Ideje kradnjetej sej z němskich modowych časopisow. A pod doporučacymi tekstami podpisuje so w kóždym čisle někajka Hilža, kiž so jako šwalča wudawa …
Redaktorkomaj napřećo syda redaktor, zasadźity kadla ze stajnje šibałym posměwkom. Arnošt Bjenada jězdźi wšědnje z kolesom z Malešec do redakcije. Jemu je napołožene, w dalšich žurnalach za nastawkami wo techniskich wunamakanjach a ekstremnych swětowych dyrdomdejstwach pytać. Jeho najzbožowniša namakanka je rozpisanje najwyšich horow swěta w němskim Magazinje, kak je w meji 53 nowoseelandski pčołar Edmund Hillary wjeršk Everest docpěł. Kelko ćěłow w skłoninach Nepala we wěčnym lodźe leži, kak bě so w juliju 53 Hermann Buhl hač na wjeršk wjace hač wósom kilometrow wysokeho horiska Nanga Parbat dokrosnił … Z toho časa dźerži so w mojim pomjatku hora Parbat kaž do spěcha honjace napominanje, zo dyrbi čłowjek přeco wyše chcyć, hačrunjež su dračowanja na hórske wjerški w poslednjej konsekwency hotowy humbug.

Zusatzinformation

ISBN 978-3-7420-2293-6
Sprache des Artikels Obersorbisch
Bibliografische Angaben 1. nakł. 2014
116 s., wobrazy, kruta wjazba