Žony w narodnej drasće, křižerjo abo hosćo na serbskim kwasu, wšo to wotbłyšćuje žiwjenske poměry tehdomnišeho časa. Wobrazy wobrubja teksty Rafaela Ledźborja, kotryž poměry a wotměnjawe stawizny jednotliwych serbskich farow rysuje. Norbert Rauer poda dohlad do dźěławosće nakładnistwow, kiž póstowe karty wudawaja. Nimo kartow z jeho wobsydstwa wopřija kniha karty serbskich hromadźerjow kaž Pětra Lipiča a Gerharda Schmelinga.