W Ludowym nakładnistwje Domowina wušły kalender „Łužica – Łužyca - Lausitz” za nowe lěto 2025 přeprosy z motiwom Noweho hrodu w Mužakowje na coveru na domizniske pućowanje po Łužicy. Fotografije Maćija Bulanka rysuja rjanosć Łužiskeho regiona. Pokazaja kónčiny kaž w paradizu, rjanosć přirody, architektoniske wosebitosće ale tež tradicionalne serbske swjedźenje a nałožki. Kalender njehodźi so jenož derje k wupyšenju ale skići runočasnje městno za noticy a zapiski. Popisanje w třoch rěčach – w hornjoserbšćinje, delnjoserbšćinje a w němčinje ćehnje so přez cyłu twórbu a pokaza wospjet na wosebitosć wjacerěčnosće Łužicy.