Najnowša Płomjo edicija zapřija zaso dwě stawiznje – tutón raz wobě z pjera Měrćina Wjenki. Zmužity Bježmin poda so na dyrdomdej do swěta loda a zymy, na kotrymž dyrbi na jeho ekspediciji za lodowym kralom, wjacore strašne puće přeprěčić. Hač so jemu to radźi, što wón na jeho pućowanju wšitko dožiwi a kotre potwory jeho přesćěhaja, čitaće w prěnjej stawiznje edicije. Druha epizoda powěda stawiznu Ripsa, kotryž bydli wosrjedź pěskoweho planeta. Žiwjenje na pěskowym planeće njeje hižo přijomne a tuž čitajće, kak so Rips časćišo ze swojej kosmiskej łódźu do dalinow swětnišća poda. Što tam drje ze swojej přewodźerku wšitko wotkryje a wuslědźi?

wot 11 lět