Aktualne informacije
Ludowe nakładnistwo Domowina pyta wolontara
Ludowe nakładnistwo Domowina pyta wolontara (m/ž/d)w redakciji Serbskich Nowin
dalše informacije»
Serbski dopomnjenski album za prěnje swjate woprawjenje
Dźěći w serbskich katolskich wosadach přihotuja so zaso na prěnje swjate woprawjenje. Za nje je w LND dołho wočakowana kniha „Moje prěnje swjate woprawjenje” wušła. Je to wosebitostka za katolske dźěći w serbskej rěči – album jako dopomnjenka na wažny měznik w žiwjenju křesćana.
dalše informacije»
Ludowe nakładnistwo Domowina ma noweho jednaćela
Wot 1. junija 2020 ma Ludowe nakładnistwo Domowina na čole nowe mjezwočo. Syman Pětr Cyž (42), rodźeny Budyšan, staji so wužadanju, serbsku knihu a nowiny do přichoda wjesć. Nowy jednaćel je medijowe a komunikaciske wědomosće w Lipsku studował a je naposledk we wjednistwje agentury Pioneer Communication w Berlinje dźěłał.
dalše informacije»
„Koče slěbro“ zaso na předań
Koče slěbro nima ničo z kóčkami činić, ale to je titul woblubowaneje kriminalki za młodych čitarjow, kotruž je Jurij Koch napisał. Nětko je wona w LND w 2. nakładźe wušła. Tak móže nowa generacija čitarjow z Jakubom, Filipom, Rejzku a wowku Babydušku wo Šibjeńču horu wojować, kotraž ma so kočeho slěbra dla wotbagrować.
dalše informacije»
Lóštna zběrka z hrónčkami za porsty wušła
Hač „Himplašk a pimplašk taj palčikaj“ abo „Mała husańca“ – w nowej knize Ludoweho nakładnistwa Domowina ma kóždy porsćik swój wulki wustup. Knižku „Dźesać mojich porsćikow“ za najmjeńšich pjerachow je Lydija Maćijowa zestajiła a Martina Burghart-Vollhardt je ju pisanje ilustrowała. Podajće so z porsćikami na wulku jězbu po swěće abo tola do lěsa.
dalše informacije»
Jednaćelka Ludoweho nakładnistwa Domowina so rozžohnuje
Kónc meje dźe dołholětna jednaćelka Ludoweho nakładnistwa Domowina Marka Maćijowa na wuměnk. Studowana dźiwadłowa wědomostnica dźěłaše wjac hač 40 lět w serbskim nakładnistwje. Započejo jako redaktorka w Płomjenju, bu 1994 nawjedowaca lektorka a přewza 2003 jednaćelstwo. Wona rozsudnje sobu k tomu dopomha, zo nakładnistwo swojemu wysokemu narokej – wuwiwanje, wudawanje a rozšěrjenje serbskeje literatury a literatury wo Serbach – wotpowědować zamó. Mjez druhim je za Serbow wažny němskorěčny rjad „Die sorbische Bibliothek“ iniciěrowała, koncipowała a dołho jako lektorka na starosći měła.
dalše informacije»
Swět zeznać z wobrazowym słownikom
Što wšo so w swěće a doma před durjemi stawa, steji w srjedźišću noweje wobrazoweje knihi za dźěći wot dweju lět, kotruž je Bianka Wjeńcyna z němčiny přełožiła. Kniha z titulom „Mój wulki wobrazowy słownik – Mój swět“ wotkrywa dźěćom wšelake wobłuki wšědneho žiwjenja, haj samo swěta. Zeznaja a nawuknu zapřijeća a pomjenowanja wosobow, wěcow, předmjetow abo powołanjow a rozšěrjeja tak na lóštne a zabawjace wašnje swój słowoskład.
dalše informacije»
Mejske wudaće Płomjenja tule čitać!
Tež w mejskim wudaću Płomjenja móža holcy a hólcy cyle woměrje wot doma listować a čitać.
dalše informacije»
Wědomostna kniha Waltera Wenzela znowa na předań
Hižo dlěje wupředata kniha „Lausitzer Familiennamen slawischen Ursprungs“ znateho Lipščanskeho mjenowědnika Waltera Wenzela je zaso na předań. Wjace hač 5500 swójbnych mjenow serbskeho, pólskeho a čěskeho pochada je awtor Walter Wenzel z telefonowych a adresowych knihow za tutón kompendij zezběrał da z tym zajimawy dohlad do sydlenskich stawiznow třikrajoweho róžka Čěska – Šleska – Łužica.
dalše informacije»
Zběrka woblubowanych delnjoserbskich spěwow za serbske zetkanja a swjedźenje wujšła
Kaž stari spěwaja, tak młodźi swjeća – tak su naši wótčincy něhdy prajili. Zo by wone stare a mudre přisłowo tež w přichodźe hišće płaćiło, je Gregor Kliem dawno wupředaty spěwnik rozšěrił a nětko wón w LND předleži.
dalše informacije»