Aktualne informacije
Nowa antologija hornjoserbskeje prozy
Zabawnu lekturu za lětsa drje wjace měrnych hodźinkow w dohodowym času je čitarkam a čitarjam LND ze swojej nowej antologiju serbskeje prozy „Susodźa“ wobradźiło. Wudawaćelka Ingrid Juršikowa je za nju powědki 21 awtorkow a awtorow zestajiła. Titulna ilustracija je wot Iris Brankačkoweje, kiž je knihu wuhotowała.
dalše informacije»
Hodowne wiki wupadnu? Nic we słuchohrě za dźěći z LND!
Pjerachojo, kiž su so loni nad hodownej knihu Dorotheje Šołćineje „Janka a Majka w njebjesach“ radowali abo wězo tež ći, kotřiž putacu stawiznu hišće njeznaja, móža ju lětsa (nimale) live sobu dožiwić. A to budźe ćim rjeńšo, wšako nam wšitkim lětsa dožiwjenje hodownych wikow pobrachuje. Tuž podajmy so doma w ćopłej stwě z Jankom a Majku do tuteje potajneje atmosfery a słuchajmy na powědku Dorotheje Šołćineje.
dalše informacije»
App-update „Dolna Łužyca spiwa“ w LND wujšła
Lěc na schadowance, kulturnem swěźenju abo domowinskem wjacoru – pśi młogich góźbach co se luźam spiwaś. Ale pśecej njejo spiwnik k rukoma, za to pak ma pśisamem kuždy smartphone abo tablet-pc pśi sebje. Z našeju app dostanjoš wšykne spiwy zběrki „Dolna Łužyca spiwa“ na twóju mobilnu wobrazowku. Z lětosnym updatom jo se 53 nowych spiwow dodało, tak až maš něnto 159 spiwow na wuběrk.
dalše informacije»
Kniha wo politiskim přewróće 1989/90 w Serbach wušła
Pućowanska swoboda, demokratija, swoboda měnjenja – štož je dźensa samozrozumliwe, su sej ludźo tudy před 30 lětami z měrliwej rewoluciju wubědźili. Kniha „Nowa swoboda?“ awtorki dr. Cordule Ratajczakoweje přinošuje k reflektowanju časa přewróta 1989/90 ze serbskeho wida.
Serbska protyka 2021 tu je!
Dypkownje ze spočatkom nazymy dóńdźe najnowši lětnik Serbskeje protyki čitarjam do domu.
W aktualnym wudaću podamy so znowa na puć po Hornjej Łužicy – dokładnje do Hórkow. Je to wjes za małymi hórkami, w susodstwje Dobrošic, Chrósćic, Lejpolda a Noweje Wjeski, kiž je wobydlerstwu a wokolinje přez lětdźesatki skałarjenja znata.
dalše informacije»
Poslednje lěta łužiskeje wsy ‒ dźenik Jurja Kocha wušoł
W nalěću 1996 je so Jurij Koch rozsudźił dźenik pisać. Do srjedźišća wobkedźbowanjow so dósta dramatiski bój łužiskeje wsy přećiwo wotbagrowanju. Nětko je němskorěčna kniha pod titlom „Gruben-Rand-Notizen“ w Ludowym nakładnistwje Domowina wušła. Koch dokumentuje w njej poslednje lěta Rogowa, přećiwjenje mnohich wobydlerjow hrožacemu přesydlenju a kak jich naposledk porazychu.
dalše informacije»
Zabawna dwurěčna čitanka so w Zarěču předstaji
W swoje třećej čitance wěnuje so wudawaćel Marko Grojlich kónčinam ewangelskich wosadow Rakecy, Njeswačidło a Minakał-Łupoj. Znowa je wubrał kopicu zajimawych přinoškow ze starych serbskich nowin a wurězki ze serbskeje literatury wo wšědnym dnju a njewšědnych podawkach. Přez cyłe dwurěčna kniha rysuje na zabawne wašnje žiwy wobraz wo žiwjenju na wsy w druhej połojcy 19. a prěnich lětdźesatkach 20. lětstotka.
dalše informacije»
Serbske chóry a spěwne skupiny live na nowej CD
Hdyž so na kermušach abo kwasach zakantori „Boleraz, boleraz“, „Přeco ty chodźiš“ abo tež „Naš njeboh dźěd“ spěwa bórze cyła žurla sobu. Bjez dźiwa, zo budźe sej něchtóžkuli rady tróšku z tamnišeje wjesołeje atmosfery wobchować chcyć. Z předležacej CD „Hory módre, ja was znaju“ hodźi so doma na konopeju samo sobu spěwać.
dalše informacije»
Wšědne hesła Ochranowskeje bratrowskeje wosady na lěto 2021 wušli
Wšědne hesła na lěto 2021, kiž su runje w Ludowym nakładnistwje Domowina wušli, su so hižo 2. meje 2018 w Ochranowje wulosowali. Potom je wobdźěłar z Ochranowskeje bratrowskeje jednoty so hodźacy wučbny tekst z Noweho Zakonja kaž tež štučku z kěrluša abo modlitwu přirjadował. Hotowy manuskript w němskej rěči wupósćele so 55 přełožerjam a přełožerkam na cyłym swěće, kiž swoju rěčnu wersiju za ćišć přihotuja. Najnowše serbske wudaće pak je nimale kaž z kuzłom nastało.
dalše informacije»
Z Janom Kralom na slědach serbskich přirodospytnikow
Lěta trajace njesprócniwe dźěło bywšeho lektora Ludoweho nakładnistwa Domowina Jana Krala je wunjesło nětko w LND předležacu knihu z titulom „Zelena radosć“. W njej poda so awtor na slědy přirodospytnikow.
dalše informacije»