Aktualne informacije
Hódančka a žorty za jězbu do prózdnin
Kniha połna hódančkow a žortow za cyłu swójbu je w LND wušła a budźi cyle wěsće pola někohožkuli předwjeselo na prózdniny a dowolowy čas. Pod titulom „Hódaj a směj so!“ předleži barbnje wot Štefana Hanuša wuhotowana kniha za dźěći wot 7 lět. Wjac hač 200 šćipatych žorćikow je šefredaktor Płomjenja Pětr Šołta zezběrał, Judith Wjenkec pak je sej kopicu zajimawych hódančkow wumysliła.
dalše informacije»
Nowa nasćěnowa protyka ꟷ z fotografijemi Maćija Bulanka
Pod titulom „Łužica – Łužyca – Lausitz“ je w nowym formaće wušoł dalši lětnik woblubowaneje nasćěnoweje protyki LND. Wot wudaća za lěto 2022 spožča znaty serbski fotograf Maćij Bulank ze swojimi fascinowacymi wobrazami trojorěčnemu kalendrej wosebity raz.
dalše informacije»
Wučbnica „Hornjoserbšćina za samostudij” zaso na předań
W 4. nakładźe předleži znowa w lěće 2000 wot Jany Šołćineje a Edwarda Wornarja wudata wučbnica „Obersorbisch im Selbststudium/Hornjoserbšćina za samostudij“.
Wučbny material je za zajimcow, kotřiž chcedźa w samostudiju hornjoserbsku rěč nawuknyć a su wysoko motiwowani. Kurs wobsteji z lekcijow, w kotrychž so wuknjacemu systematisce znajomosće hornjoserbšćiny posrědkuja, při čimž steja gramatiske problemy w srjedźišću.
dalše informacije»
Z nowej »Wroblik Frido-knihu« ptači kwas woswjećić
Wroblik Frido a jeho přećeljo su zaso po puću – w nowej ptačokwasnej stawiznje spisowaćelki Jěwy-Marje Čornakec, kiž swój wuspěšny rjad z tym dale wjedźe. »Kak su wroblik Frido a jeho přećeljo sroki pjekli« rěka najnowša kniha z LND, kiž hižo cyłe lěto na rjany zymski nałožk přihotuje.
dalše informacije»
Powědančka wo zwěrjatach za najmłódšich znowa wušli
Za młodych serbskich staršich a jich najmłódšich pjerachow je w LND nětko dalši nakład dawno wupředateje knižki z twjerdeho papjerca „Moje najlubše powědančka wo zwěrjatach“ wušoł. Dwanaće krótkich powědančkow, spisane wot Christy Kempter, je Jadwiga Wejšina, dołholětna WITAJ-pěstowarka do hornjoserbšćiny přełožiła.
dalše informacije»
Z BOOKii-pisakom w nowej knize slědźić
Hdźe hnězdźa łastojčki? Štó chowa so we wišninje a što chowa wjewjerčka? A čeje stopy nańdźeš w sněze?
Po časnikowej knize je w LND dalša BOOKii-knižka za najmłódšich wušła. Tež nowa kniha „Powědaj mi wo počasach“, kotruž je Bianka Wjeńcyna z němčiny přełožiła, hodźi so z digitalnym słuchopisakom BOOKiijom wužiwać.
dalše informacije»
Powědarka stawizničkow we wobrazach ꟷ wobrazowy zwjazk Jutty Mirtschin w LND wušoł
Powědarka stawizničkow we wobrazach, lyrikarka w knižnym wuměłstwje, wuznamna plakatowa wuměłča ꟷ tak hódnoća recensenća Juttu Mirtschin a jeje twórby. Runje w LND wušły wobrazowy zwjazk „Malerei Grafik Buch Illustration Plakat Theater” zmóžnja imponowacy kaž tež wobkuzłacy dohlad do jeje tworjenja wot lěta 1974.
dalše informacije»
Pettersson a Findus do jutrowneho hněžka
Pettersson a Findus staj w Šwedskej a přez jeje mjezy daloko a šěroko woblubowanej figurje z pjera Svena Nordqvista. Jeho prěnja kniha w serbskej rěči „Findus a hara z honačom“ je nětko w druhim nakładźe wušła, runje tak kaž nowostka „Wohnjostroj za lišku“. Wobě knize je Diana Šołćina do serbšćiny přełožiła. Małym pjeracham runje to prawe do jutrowneho hněžka abo jako rjany dar k zelenemu štwórtkej!
dalše informacije»
Smolerjec kniharnja wotewrjena
Wot póndźele 08.měrca 2021 je Smolerjec kniharnju wotewrjena. Wot póndźele do pjatka, w času wot 10.00 hodź.do 18.00 hodź., was zaso wosobinsce w Smolerjec kniharni witamy. Wjeselimy so na Waš wopyt.
dalše informacije»
Kniha „Wroblik Frido a jeho přećeljo“ zaso na předań
Zběrnik „Wroblik Frido a jeho přećeljo“ ze znatymi stawiznami Jěwy-Marje Čornakec je w LND w druhim nakładźe wušła. Tuž móža so dźěći z wroblikom Fridom a jeho přećelemi myšku Pip-pip, žabku Šlapku a jěžikom Kałaćikom znowa na wšelake dyrdomdeje podać a čitać, što so wšo w přirodźe takle stawa ‒ hač na štomje, mjez jeho korjenjemi abo na łuce.
dalše informacije»