Aktualne informacije
„Němsko-hornjoserbski słownik“ zaso na předań
Dwuzwjazkowy „Němsko-hornjoserbski słownik“ z wobjimom 80.000 hesłow je prěnja wobšěrna přiručka k hornjoserbskemu słowoskładej přitomnosće, kiž so na němčinu złožuje. Dawno wupředatej zwjazkaj 1 A–K a 2 L–Z so wotnětka w dalšim nakładźe předawatej.
dalše informacije»
Wobchad a wobchadne prawidła w nowej knize za dźěći
Za předšulsku a prěnju čitansku starobu je w LND nowa papjercowa kniha „W nadróžnym wobchadźe“ wušła. Što so na dróze stawa? Kotre wobchadne prawidła mamy? Štó rjaduje scyła wobchad? A kak so prawje zadźeržimy? Tute a dalše prašenja móža sej dźěći ze swojimi staršimi wotkryć.
dalše informacije»
Wjacerěčny słowničk za słuchopisak BOOKii wušoł
Kak rěkatej słónčnik abo lijawa jendźelsce, nohajcy abo šat francosce? Kak to klinči, hdyž wučerka swojich šulerjow w serbskej, jendźelskej abo francoskej rěči powita? W prawym času do nakupa hodownych darow je nowa BOOKii-kniha pod titulom „Kak praju to hornjoserbsce, jendźelsce a francosce?“ wušła.
dalše informacije»
Nawod, jeli BOOKii-słuchopisak raz nochce abo njefunguje
Jeli BOOKii-pisak snano raz tak njecha a ničo so njewothrała, je aktualizowanje trěbne.
dalše informacije»
Sabina Žurowa předpołoži swoju prěnju dźěćacu knihu
„Zhubjena kniha mudrosće“ je titul runje wušłeje nowostki z pjera Pěskečanki Sabiny Žuroweje. Wona wobsahuje nimo napjateje stawizny wo princesnje Mirandźe, hornčerju Francu a holcy Anjuši tohorunja tekst a noty wosom spěwow. Tute móžeja sej čitarjo zdobom na připołoženej CD abo online naposkać. Prěni raz poskići LND wotwołanje hudźby z pomocu w knize wozjewjeneho linka a QR-Coda.
dalše informacije»
Zajimawostki z Minakała ─ Serbska protyka na lěto 2022 wušła
Dypkownje ze spočatkom nazymy dóńdźe najnowši lětnik Serbskeje protyki čitarjam do domu.
W klětušej protyce předstajimy wam wjesku sewjernje Budyšina – Minakał. Něhdy bě wjes srjedźišćo pobožnych Serbow a lětstotki pozdźišo sydło Centralneje serbskeje rěčneje šule. Dźensa witatej hród a přisłušacy park, kotrejž buštej w zašłymaj lětdźesatkomaj akribisce a lubosćiwje restawrowanej, wopytowarjow.
Monografija k lyrice Róže Domašcyneje w LND wušła
Klinčenju zynkow najznaćišeje serbskeje basnicy přitomnosće wěnuje so wědomostnik Walter Koschmal w předležacej monografiji „Poetik der Metamorphose“. Jako znajer serbsko-němskeje načasneje lyriki, přiwobroći so, po tym zo je so w knize »Der Dichter – Kito Lorenc – dazwischen« (2018) z jeho basnjerskim tworjenjom zaběrał, runje tak wobšěrnje tworjenju basnicy Róže Domašcyneje.
dalše informacije»
Wšědne hesła Ochranowskeje bratrowskeje wosady na lěto 2022 wušli
Hesła Ochranowskeje bratrowskeje wosady – to su wšědnje někotre krótke słowa z biblije – zwjazuja křesćanow na cyłym swěće a witaja jich w energijowym polu Božeje lubosće, kaž lětsa w předsłowje rěka. Ludźo wšelakorych konfesijow, rozdźělnych kulturow a wšelakeje pobožnosće hesła čitaja a z nimi swój dźeń započnu.
dalše informacije»
Žortne anekdoty wo tajkich a wonajkich dožiwjenjach Jurja Kocha
Wo Warnočanskich knedlikach, Małym Parisu a Strjažowskim worjole a mnoho dalšim čita Jurij Koch na runje w LND wušłej słuchoknize „Dopomnjenja na młode lěta“. Za słuchoknihu, wušłu składnostnje 85ćin Jurja Kocha, je woblubowany spisowaćel wubrał wujimki ze swojeju knihow »Zabych ći něšto rjec. Dopomnjeća na wažne zažne časy« a »Wětrnik na třěše. Dopomnjeća na młode a zrałe lěta«.
dalše informacije»
„Naša serbska knihaʺ ─ wosebity projekt LND na Serbskim gymnaziju w Budyšinje zakónčeny
„Naša serbska knihaʺ ─ pod tutym hesłom pokročowaše Ludowe nakładnistwo Domowina w tutym šulskim lěće ze swojim wosebitym projektom za serbskich šulerjow. Po jara wuspěšnym zazběhu ze šulerjemi Serbskeje wyšeje šule Ralbicy lěta 2019 je najebać wobćežowanjow pandemije dla nětko swójska kniha z 8. lětnikomaj Serbskeho gymnazija Budyšin nastała.
dalše informacije»