Aktualne informacije
Šybałe basni za źiśi perfektnje rymowane
Rowno w adwenśe, w tom casu pśichoda, jo wujšła nowa zběrka źiśecych basnjow „Rybkow połne kupadło“ Dorotheje Šołćineje. W njej dopokazujo górnoserbska basnikaŕka, až wobkněžy swójo rucnikaŕstwo samo w dolnoserbskej rěcy. Wšako se rym a rytmus z jeje pjera perfektnje makatej. Toś buźo źiśam wót 8 lět radosć, wó pócynkach a njepócynkach nejwšakorakšych ptaškow a žrackow cytaś abo słyšaś. Basni pśewóźuju serbsko-nimske rěcne pomocy na kuždem boce.
dalšne informacije»
App-update „Dolna Łužyca spiwa“ w LND wujšła
Lěc na schadowance, kulturnem swěźenju abo domowinskem wjacoru – pśi młogich góźbach co se luźam spiwaś. Ale pśecej njejo spiwnik k rukoma, za to pak ma pśisamem kuždy smartphone abo tablet-pc pśi sebje. Z našeju app dostanjoš wšykne spiwy zběrki „Dolna Łužyca spiwa“ na twóju mobilnu wobrazowku. Z lětosnym updatom jo se 53 nowych spiwow dodało, tak až maš něnto 159 spiwow na wuběrk.
dalšne informacije»
Reflektěrowanje casa pśewrota 1989/90 ze serbskego wida
Drogowańska lichota, demokratija, lichota měnjenja – což jo źinsa samorozmějuce, su luźe how pśed 30 lětami z měrneju rewoluciju wuwójowali. Knigły „Nowa swoboda?“ awtorki dr. Cordule Ratajczakoweje pśinosujo k reflektěrowanju casa pśewrota 1989/90 ze serbskego wida.
12 casowych znankow w tśirožku mjazy Miłorazom, Bukecami a Šunowom jo awtorce wó swójich dožywjenjach a nazgónjenjach wulicowało. Induwidualne carnoběłe fotografije Jürgena Maćija maju swójske wugronjenje a wudopołniju zaśišći tekstow.
dalšne informacije»
Prědne dolnoserbske źiśece knigły za słuchopisak BOOKii
Za źiśi wót 3 lět pśedlaže něnto knigły za nawuknjenje zegera. Pśez wjerśenje cerwjeneju špěrowu wiźi góle, co dožywjatej Ida a Tom w běgu dnja ze swójim psyckom Linusom. Gaž tusnjo góle ze swójim BOOKii-pisakom na wšake městna w knigłach, móžo słuchaś, wó com powědatej góleśi ze swójimi pśijaśelami, z cym grajotej abo co dožywjatej doma, w źiśowni a na sportnišću.
dalšne informacije»
Erwin Hanuš wulicujo
Za tym ako su łoni knigły Erwina Hanuša „Wósłonki mójogo žywjenja“ wujšli, slěduju lětosa jogo słuchoknigły „Tšojeńka z mójogo žywjenja“. Nic jano w casach corony móžoš doma sejźecy na kanopeju abo pśi domacnem źěle abo ducy w awśe słuchaś na awtentisku maminu, tak hochosku ak pisnu rěc Tyšarjowego Erwina.
dalšne informacije»
Die letzten Jahre eines Lausitzer Dorfes ꟷ Tagebuch von Jurij Koch erschienen
Im Frühjahr 1996 entschließt sich der Cottbuser Schriftsteller und Journalist Jurij Koch (*1936), ein Tagebuch zu führen. In den Mittelpunkt seiner Beobachtungen gerät dabei der dramatische Kampf eines Lausitzer Dorfes gegen seine „Grubenfahrt“. Nun ist das Buch unter dem Titel „Gruben-Rand-Notizen“ erschienen. Koch dokumentiert darin die letzten Jahre von Horno, den Widerstand vieler Bewohner gegen die drohende Umsiedlung und, wie dieser letztlich gebrochen wurde.
dalšne informacije»
Běła Góra titelna wjas w nowej Pratyji!
Nowa Pratyja jo dypkownje srjejź nazymskego mjaseca w LND wujšła. Jeje redakcija ─ Horst Adam, Ingrid Hustetowa a Bernd Pittkunings ─ jo zestajiła wěcej ak 50 pśinoskow wót wušej 30 awtorkow a awtorow, tak až cytaŕki a cytarje mógu se wjaseliś na wótměnjatu lekturu. A dwa muskej smějotej wóswěśiś pratyjaŕski jubilej: redaktor Horst Adam swój 40. a fotograf Thomas Kläber swój 25.!
dalšne informacije»
Prědne źiśece knigły Jill-Francis Ketlicojc w LND wujšli
Wjelim w Dolnej Łužycy jo młoda serbska awtorka Jill-Francis Ketlicojc mjaztym znata ‒ něnto su jeje prědne knigły za źiśi wót 8 lět pód titelom „Wuchack głupack a druge tšojeńka“ w LND wujšli. Wulicowańka barwnje ilustrěrował jo Thomas Binder. Na co mógu se młode cytarje wjaseliś?
dalšne informacije»
„Slědne dny Strowja“ ꟷ wuspěšne wulicowańko Angele Stachoweje něnt teke dolnoserbski
Wótbagrowanje wugla dla, pśesedlenje a prědna lubosć – to su temy w źinsa hyšći aktualnem wulicowańku Angele Stachoweje „Slědne dny Strowja“, ako jo LND rowno wudało w dolnoserbskem pśełožku Hartmuta S. Leipnera. Originalne górnoserbske wulicowańko „Vineta“ z lěta 1983 a jogo nimske wudaśe „Acht Tage Abschied“ z lěta 1987 stej we swójom casu wjeliki wótgłos wubuźiłej. Ako źiwadłowe graśe jo serbske młoźinske źiwadło pśi NSLŹ w Budyšynje 1990/91 wulicowańko pśedstajiło, za jawišćo pśigótowane wót Benedikta Dyrlicha.
dalšne informacije»
Serbske chory a spiwne kupki live na nowej cejdejce
Gaž se na kjarmušach abo swajźbach zgłosujo „Boleraz, boleraz“, „Přeco ty chodźiš“ abo teke „Naš njebóh dźěd“ spiwa skóro ceły zal sobu. Bźeze cwiblowanja co se młogi rad tšochu z toś teje wjasołeje atmosfery wobchowaś. Z rowno wujźoneje cd „Hory módre, ja was znaju“ jo móžno doma na kawčy samo sobu spiwaś.
dalšne informacije»