Aktualne informacije
Gronka ochranojskeje bratšojskeje wósady na lěto 2021 wujśli
Wšedne gronidła na lěto 2021, kenž su rowno w Ludowem nakładnistwje Domowina wujšli, su se južo 2. maja 2018 w Ochranowje wulosowali. Tak móžo teke lětosa toś ten pśewódnik, kótaryž jo zestajił znowotki Hartmut S. Leipner, scasom swóju drogu do serbskich kśesćijańskich familijow namakaś.
dalšne informacije»
Z Janom Kralom na slědach serbskich pśirodowědnikow
Lěta warnujuce njewomucne źěło něgajšnego lektora Ludowego nakładnistwa Domowina Jana Krala jo wunjasło něnto w LND pśedlažece knigły z titelom „Zelena radosć“. W nich jo se wudał awtor na slědy pśirodowědnikow. Pśiroda pśed źurjami jo wabiła a wobwliwowała cas žywjenja na pśirodowědnym polu statkujucych Serbow Hadama Bohuvchwała Šěracha, Michała Rostoka, Jana Bohuwěra Mučinka, Michała Awgusta Krala, Jana Larasa, Korlu Bohuwěra Šěcu, Jakuba Nowaka-Horjanskego, Měrćina Krala, Jakuba Lorenca-Zalěskego a Juliusa Korlu Emila Riote.
dalšne informacije»„Koče slěbro“ zasej na pśedank
Kóccyne slobro njama nic z kóckami cyniś, ale to jo titel woblubowanego kriminalnego tšojeńka za młode cytarje, kótarež jo napisał Jurij Koch. Něnto jo wóno wujšło w LND w 2. nakłaźe. Tak móžo wójowaś nowa generacija cytarjow z Jakubom, Filipom, Rejzku a starkeju Babydušku wó Šibjeńcowu góru, kótaraž ma se wótbagrowaś dla kóccynego slobra.
dalšne informacije»Ludowe nakładnistwo Domowina ma nowego jadnarja
Wót 1. junija 2020 ma Ludowe nakładnistwo Domowina na cole nowe woblico. Syman Pětr Cyž (42), roźony Budyšynaŕ, se stajijo wupominanju, serbske kingły a casniki do pśichoda wjasć. Nowy jadnaŕ jo studěrował w Lipsku medijowe a komunikaciske wědomnosći a jo napóslědku źěłał we wjednistwje agentury Pioneer Communications w Barlinju.
dalšne informacije»Wjasoła zběrka z gronkami za palce wujšła
Lěc „Himplašk a Pimplašk taj palčikaj“ abo „Mała husańca“ – w nowych knigłach Ludowego nakładnistwa Domowina ma kuždy palcyk swój wjeliki wustup. Kniglicki „Dźesać mojich porsćikow“ za nejmjeńše špingeliki jo Lydija Maćijowa zestajiła, a Martina Burghart-Vollhardt jo je pisanje ilustrěrowała. Pódajśe se z palcykami na wjeilke drogowanje pó swěśe abo do lěsa.
dalšne informacije»Jadnaŕka Ludowego nakładnistwa Domowina se rozžognujo
Kóńc maja źo dłujkolětna jadnaŕka Ludowego nakładnistwa Domowina Marka Maćijowa na wuměńk. Studěrowana źiwadłowa wědomnostnica jo statkowała wěcej ako 40 lět w serbskem nakładnistwje. Zachopiła jo w redakciji Płomjenja a jo pótom pśejšła do lektorata. Wót 1994 nawjedujuca lektorka jo mjazy drugim iniciěrowała a koncipěrowała wuznamny rěd „Die sorbische Bibliothek“. W lěśe 2003 jo pśewzeła jadnaŕstwo a jo teke na tom městnje rozsudnje pśipomogała, až wótpowědujo LND swójomu wusokemu wupominanjeju, wuwijaś, wudawaś a rozšyrjaś serbsku literaturu a literaturu wó Serbach.
dalšne informacije»Swět póznaś z wobrazowymi knigłami / Bildwörterbuch in niedersorbischer Sprache
W nowych knigłach z titelom „Móje wjelike wobrazowe knigły – Mój swět“ póznajo małe góle na 14 wjelikich wobrazach z krotkimi tekstami swój swět: źiśownju a supermark, žywnosć a twaŕnišćo, wognjowu woboru a policiju, chórownju, wótpóranje wótpadkow, zwěrjeńc, dwórnišćo, pśistaw a lětanišćo, mórjo a gólu.
Was gibt es alles in meiner Welt zu erleben? Das beantwortet Kindern ab 2 Jahre das neue niedersorbische Bilder-Wörter-Buch „Móje wjelike wobrazowe knigły – Mój swět“. Insgesamt 14 farbenfrohe Illustrationen mit kurzen Texten laden sie ein, ihre Welt in Bild und Wort zu erkunden.
dalšne informacije»Wědomnostne knigły Waltera Wenzela znowego na pśedań
Južo dlej rozpśedane knigły „Lausitzer Familiennamen slawischen Ursprungs“ znatego lipščańskeho mjenjowědnika Waltera Wenzela su zasej na pśedań. Wěcej ako 5500 familijowych mjenjow serbskego, pólskego a českego pochada jo awtor Walter Wenzel z telefonowych a adresowych knigłow za toś ten kompendium zgromaźił a dajo z tym zajimny doglěd do sedleńskich stawiznow tśikrajowego rožka Česka – Šlazyńska – Łužyca.
dalšne informacije»Zběrka woblubowanych spiwow za serbske zmakanja a swěźenje wujśła
Kaž te stare spiwaju, tak te młode tśikocu ─ to su naše wóśce něga gronili. Aby to stare a mudre pśisłowo teke nadalej płaśeło, jo Gregor Kliem ten dawno wupśedany spiwnik rozšyrił a něnto wón w LND pśedlaźejo.
dalšne informacije»
Sćěnowy kalendaŕ „Moja Łužicy – Meine Lausitz – Mója Łužyca 2021“ wujšeł
Teke za lěto 2021 jo był ducy fotograf Wolfgang Wittchen, aby znowego zapópadnuł gódne motiwy za rowno w Ludowem nakładnistwje Domowina wujźony sćěnowy kalendaŕ „Moja Łužica – Meine Lausitz – Mója Łužyca“.
Wolfgang Wittchen jo ze swójeju kameru znowego idyliske krajiny, turistiske wjeraški a tradicionalne swěźenje we Łužycy fotografěrował.
dalšne informacije»