Aktualne informacije
Roman von Christian Schneider wieder lieferbar
Christian Schneiders Epochenroman „Das Ende vom Paradies“ ist als Taschenbuch jetzt in 2. Auflage erschienen. Ausgehend vom Anfang des 20. Jahrhunderts, widmet sich der Autor auf über 600 Seiten dem Leben einer sorbischen Familie über drei Generationen bis in 1980er-Jahre. Bewegend schildert er all die Wirren, die die Schusters durchlebt haben. Das Einbeziehen historischer Ereignisse macht den Roman zu einem lebendigen Zeugnis der jüngeren Geschichte.
Dalšne „Wroblik Frido-knigły“ na jatšy pśigótuju
Wroblik Frido a jogo pśijaśele su zasej ducy – w nowem jatšownem wulicowańku spisowaśelki Jěwy-Marje Čornakec, kótaraž swój wuspěšny rěd z tym dalej wjeźo. „Kak su wroblik Frido a jeho přećeljo jutry zajěcki překwapili“ jo titel nejnowšych knigłow, kenž se wuběrnje góźe do jatšownego gnězda.
dalšne informacije»
Wobrazwowy zwězk wó jatšownych rejtarjach
Wobraze znatego serbskego fotografa Maćija Bulanka zwězaś z popularneju serbskeju temu – jatšownymi rejtarjami – jo była myslicka Ludowego nakładnistwa Domowina pśi koncipěrowanju rowno wujźonego wobrazowego zwězka. Za domorodnych ako teke za woglědarjow pśedlaže něnto knigły „Jutry doma. Osterreiten“ z wuběrnymi barwojtymi motiwami.
dalšne informacije»
Wobrazowy zwězk Thomasa Kläbera wujśeł
„Land.Leben – Na jsy“ jo titel wobrazowego zwězka, kenž jo w Ludowem nakładnistwje Domowina wujšeł a pósćony fotografoju Thomasoju Kläberoju. Wudawaŕ Jürgen Maćij wjeźo z tym swój rěd wó łužyskich fotografach dalej. Z pomocu wjelich carno-běłych fotografijow wón dokumentěrujo źěło Thomasa Kläbera w lětach wót 1968 do 2018.
dalšne informacije»
Konferenzband über Reformation, Konfessionsbildung und ihre Auswirkungen
Als 67. Band der Schriften des Sorbischen Instituts erschien im Domowina-Verlag der Konferenzband „Reformation und Ethnizität“, herausgegeben von Susanne Hose, Madlena Mahling und Friedrich Pollack. Die Reformation setzte neben fundamentalen theologischen auch erhebliche gesellschaftliche Entwicklungen in ganz Europa in Gang. Für viele kleine Völker – wie im Buch am Beispiel der Sorben, Esten und Letten dargelegt – stellte die Spaltung der Kirche und die Ausbildung konkurrierender christlicher Konfessionen am Beginn der Neuzeit eine Zäsur dar, die einen tiefgreifenden sozialen und kulturellen Wandel mit sich brachte.
dalšne informacije»
Drugi źěl awtobiografiskeje twórby Benedikta Dyrlicha wujšeł
Pó tom až jo łońske lěto wujšeł prědny źěl awtobiografiskeje twórby Benedikta Dyrlicha, pśedlažy něnto pód titlom „Doma we wućekach 2“ drugi zwězk. W njom kreslijo awtor w tśich kapitlach mrocniki a etapy pó pśewrośe. Prědny wopśimujo lěta 1990 do 1995, w kótarychž jo był Dyrlich ako cłonk SPD-frakcije wótpósłańc Sakskego krajnego sejma. Drugi wopisujo dobu, w kótarejž jo statkował ako šefredaktor Serbskich Nowin. Tśeśi kapitel jo wěnowany casej pó śěžkem znjeglucenju w lěśe 2009, kenž jo jogo napśisko tergnuło z powołańskego žywjenja.
dalšne informacije»
Dalšne źiśece knigły za słuchopisak BOOKii pśedlaže
Za tym až su łoni prědne serbske knigły za źiśowniske źiśi w kombinaciji ze słuchopisakom BOOKii wujšli, sleduju lětosa dalšne. Za źiśi wót 3 lět pśedlaže něnto knigły za nawuknjenje zegera. Pśez wjerśenje wjelikeju cerwjeneju spěrowu wiźi góle, co dožywjatej Ida a Tom w běgu dnja ze swójim psyckom Linusom. Gaž tłocy góle ze swójim BOOKii-pisakom na wšake městna w knigłach, móžo słuchaś, wó com powědatej góleśi ze swójimi pśijaśelami, z cym grajotej abo co dožywjotej doma, w źiśowni a na sportnišću. Na kuždem boce knigłow se mimo togo chowa zajmne graśe.
dalšne informacije»
Nowe źiśece knigły Dorotheje Šołćineje wujšli
Zapśimujuce nowe gódowne wulicowańko jo napisała awtorka Dorothea Šołćina pód titlom „Jank a Majka w njebjesach” za źiśi wót 4 lět. Starše źiśi mógu knigły teke sami cytaś. Rědne barwojte ilustracije, kenž tak pšawje na gódowny cas pśigótuju, jo Friederike Ablang nagótowała.
Wó co źo w toś tych gódownych knigłach?
dalšne informacije»
“Knjez Mróz a knjeni Zyma” znowego wujšli
Rowno w pšawem casu, do zachopjeńka zymy, jo woblubowane tšojeńko “Knjez Mróz a knjeni Zyma” w LND znowego w póbitowanju. 1990 na zukowej plaśe a kaseśe wujźone wulicowańko Marje Krawcec ze 14 spiwami Marhaty Cyžec jo južo njelicobne źiśi rozwjaseliło. Něnto jo zasej pśistupne, wšak wujźo na cd, kótarejž jo zešywk ze spiwnymi tekstami pśipołožony.
dalšne informacije»
„Statistika łužiskich Serbow“ w nimskej rěcy wujšła
W lětach 1884 do 1886 jo wudał Arnošt Muka jaden z nejwuznamnjejšych tekstow serbskeje publicistiki – „Statistiku łužiskich Serbow“. Za nju jo wón sam pśedrogował Dolnu Łužycu a se z pomocu tudejšych fararjow a ceptarjow ako informatorow z rěcnymi wobstojnosćami serbskich sedleńskich stronow wopóznał.
Ale knigły su wjele wěcej ako jadnora statistika. Ze swójimi wobšyrnymi wopisowanjami jsow, z rěcnopolitiskimi gódnośenjami a napominanjami su wóni fasciněrujuce žrědło za ludowědnika, stawiznarja a sociologa rowno tak ako za wejsnego chronista abo na lokalnych stawiznach zajmowanego.
dalšne informacije»