Golo a Logo, hólcaj wosmeho lětnika, staj we wsy jako detektiwaj znataj. Njebojaznje a z kriminalistiskim nosom wuslědźitaj, hdźe su złoćane kumštne zuby wowki Abezinki wostali a štó je blisku holu z čaporom zanjerodźił. Jako pak so nadobo cyła wowka zhubi, mataj młodaj wuskušowarjej hišće komplikowaniši pad rozrisać. Wšako dźe wo žiwjenje abo smjerć!
Stawizna „Golo a Logo“, kotraž je serbsce prěni raz lěta 1990 wušła, njeje swój powabk do dźensnišeho zhubiła. W swojim pokročowanju Jurij Koch nětko dopokaza, zo staj hólcaj-detektiwaj woprawdźe wšěm nadawkam zrosćenaj.

Wot 8 lět