16-lětnej hólcaj Hans a Konradin wopytataj w 1930t-tych lětach gymnazij Karla Alexandra w Stuttgarće. Hans Schwarz je syn židowskeho lěkarja, druhi, Konradin von Hohenfels, pochadźa z bohateje zemjanskeje swójby. Mjez nimaj wuwiwa so nutrne přećelstwo, kotrež bazuje na hłubokej, magiskej přezjednosći. 
Kaž pisa Rejza Šěnowa w předsłowje: „Jara sensibelnje kaž lědma štó rysuje wón zakonitosće přećelstwa, wotkrywa pak tež te, kotrež móža je wohrozyć a samo zničić.‟
Tuta putaca stawizna ze šulskeho časa pokazuje, kak ćežko móže być, pozdatnje njepowalne přećelstwo wobchować chcyć, a kak lochko móže so stać, zo w swěće bjez tradicionalnych wěstosćow jednorym ideologijam podležiš.

wot 14 lět