Zmij Miškor Beteigeuze Popjelius bě něhdy hrózbny kadla, před kotrymž samo kralojo a kejžorojo třepotachu. Nětko pak so wón swojich njeskutkow dla sam sebje boji.
Haj, w tutej bajce-njebajce je wšo kusk hinak. Tak so princesna Bachtana do tradicionelneje róle jako rjanolinka wohlada. A ryćer Mužisław drje wšudźom a přeco ryćersce a njebojazne pomha, ale myto za wšě jeho rjekowske skutki wosta jemu dotal zapowědźene.
Što pak činja tući třo rjekojo bjez zaměra a zboža, jeli zmij wojować njecha, princesna pomoc njetrjeba a ryćer scyła wo nju njerodźi, dóńt pak jich přiwšěm hromadu wjedźe? Woni podadźa so na puć, zo bychu dyrdomdej dožiwili, wo kajkimž swět hišće słyšał njeje.