Beschreibung
Na zelenej łuce, tam při wulkim štomje, startuje nowy dyrdomdej za wroblika Frida a jeho přećelow. Přećeljo přihotuja so na wulku jězbu. Chcedźa z balonom do Afriki lećeć. Myška Pip-pip a jěžik Kałačik hižo pilnje wačoki spakujetaj. Tež žabka Šlapka so wjeseli. Skónčnje je tak daloko. Balon stupa z wroblikom, myšku, žabku a jěžikom dowysoka, na směr juh. Po puću dótknu so přećeljo nimale wjerškow Alpow, přeleća Srjedźne morjo a wjesela so na Afriku. Ale što to? Naraz přiwali so wulke njewjedro, błyski a hrimanje. We wichoru kołsa so korbik kaž tajka čumpjel na hermanku. Njemdry wichor hrabnje za balonom a njese jón do daliny. Přećeljo ze strachom třepotaja a so nadźijeja, zo do morja njepadnu. Jako přizemja, je hižo ćma a wšitcy sej wučerpani wusnu.
Rano wotućiwši widźa wulke štomy, palmy a hustu kerčinu. Hdźe su jenož přizemili? Je to Afrika?
Zusatzinformation
ISBN | 978-3-7420-2369-8 |
---|---|
Sprache des Artikels | Obersorbisch |
Bibliografische Angaben | 1. nakł. 2016, 16 s., barb. il., brošura |