Holca dožiwja kuzło dohodowneho časa: poprjančki, potajnosće a čakanje na Bože dźěćatko. Jeje sobušulerjo pak maja dwěle: Přińdźe Bože dźěćo woprawdźe z njebjes wyšin na zemju, ludźi žohnować?

Němy film z taflemi w serbskej rěči, wobrubjeny wot tradicionalnych kołkow w módroćišću a hudźby na kinowych pišćelach powěda hnujacu hodownu stawiznu z Łužicy za čas 20tych lět zašłeho lětstotka.