Gronka ochranojskeje bratšojskeje wósady pśewóźuju serbske kśesćijany pśez cełe lěto, aby jich zwjaselili a wuskoboźili. Ako gronko lěta 2026 jo wubrała ekumeniska źěłowa kupka za cytanje biblije: “Bog groni: Glědaj, ja wucyniju wšykne wěcy nowe.” (Zjawj 21,5) Kake rědne gronko lěta! Na nowe lěto maka se ze zacuśim, hyšći raz znowa zachopiś móc. Maka se hyšći na stare lěto, gaž comy wóstajiś brěmje zajźonego lěta. Rědne gronko lěta teke togodla, dokulaž w slědnem kapitelu biblije klincy ako zespominanje wšyknogo togo, což se we njej wulicujo wót Boga – a což kužde lěto, kuždy źeń móžomy sami z nim dožywiś. Zapšawym płaśi za gronko lěta ako za wšedne gronka: W kuždyckem słowje biblije móžomy z pitśku zwucowanim cełu bibliju sobu słyšaś. Dobra pokazka za wšych, kenž južo raz na zachopjeńka lěta Bóže słowo za swój narodny źeń wócyniju.