Radyserbowe stawizniske powědančka su rjany pokład našeho literarneho namrěwstwa, na kotrymž budźe so wosebje naša dźěćina a młodźina zahorić za nadobne ideale čłowjestwa: za měr, za přećelstwo, za lubosć k swojemu ludej. Spisowaćel předstaja nam w dožiwjenjach třoch generacijow - swojeho dźěda, swojeho nana a swojeje samsneje generacije - tři wotrězki, kaž so w Serbach jewichu.
Dožiwimy bědźenje wjesneho roboćanskeho ludu w Sydomlětnej wójnje z dnjow "Nadpada pola Bukec"; wulki pisany wobraz bitwy pola Budyšinaposkići nam dohlad nic jenož do krawych wojowanjow, ale tež do tehdomnišeho žiwjenja našich prjedownikow. - Hdyž pak je žiwy Jan Radyserb jako młody hólc, padaja puta roboćanstwa a serbski lud so pomału narodnje wozrodźa.