Smy žiwi w spěšnym času. Krótkopowěsće, sms-ki a twitter narunaja dołhe rěče a listy. Ochranowske hesła su krótke Bože powěsće, kotrež sćelu so wot lěta 1731 do swěta. Dawaja nam wšědny mały impuls. Hesło na lěto 2019 je tajki tekst nadźije za kóždy dźeń: „Pytaj měr a hoń za nim!“ Namołwu naš swět nuznje trjeba. Mamy přewjele konfliktow, kiž su přičina za namóc a wójnu. Měr so započina we nas, z małymi znamjenjemi a gestami. Na zbožo je ludźi po cyłym swěće, kiž spytaja na zło z dobrym reagować.