Serbske prepozicije su byli Šwjelowe lubawki, pśeto wóni su trjebne za rědne serbske grono. Zezběrane wob lětźasetki w serbskich jsach a zestajane do nastawka jo Šwjela je nejpjerwjej wózjawił w Časopisu Maćicy Serbskeje w lětoma 1933/34 a ned 1934 jo je wudał ze swójim nakładom w budyšyńskej Smolerojc śišćaŕni. Z pomocu reprintowego wudaśa móžomy něnt zas wuzbadaś wósebnosći našeje rěcy. Bogumił Šwjela jo zběrał z luda wugronjenja z prepozicijami a z prefiksami pśed werbami, substantiwami, adjektiwami a adwerbijami a jo je pśestajił do nimskeje rěcy. Nic aby wón pšawidła za nałožowanje swójich lubawkow namakał, ale aby my z ludowych wust wuknuli, co wšykno w takem słowcycku štycy a co wšykno móžomy z nim rědnje serbski wugroniś.