„Listowanje Bjarnata Krawca z čěskimi přećelemi" je wědomostne wudaće na zakładźe kritiskeje metody, wuhotowane z kritiskim aparatom a z krótkimi wułožowacymi studijemi w formje profilow wo wosobach, z kotrymiž sej Bjarnat Krawc dopisowaše. Tute předstajeja zwjetša wosoby, kotrež njesłušeja w čěsko-serbskich poćahach k najznaćišim a pola kotrychž bě trjeba, so na př. z přiwuznymi skontaktować a wot nich wjace zhonić.