Znowego se pokazujo, kake pśechwatanki móžoš wótekšyś w našych wjaskach. Tenraz w Běłej Górje: ten tšašny Heinrich w błośańskem westernu z lětowu 1931/32, recepty za rybjece jěze z lěta 1967 a wjele historiskich casnikowych powěsćow a fotow žeńskich w serbskej drastwje. Wósobinski wuznajo swóju lubosć k tej jsy Marion Stenselowa, Marcus Końcaŕ jo woglědał do woblubowanego gósćeńca pśi jazoru a Pratyja za źiśi wulicujo bajku wó běłogórjańskem fidlarju Kitu. Se wě su teke te „wuškowne“ pśisamem 50 pśinoskow kradu zajmne – wótekšyjśo je sebje!