W lěśe 2014 jo swěśił Gołbin swój 600. jubilej. A něnt w nowej Pratyji ta sensacija: Jeje titelna wjas jo se južo ano 1400 prědny raz w pismje naspomnjeła – Pratyji źěk mógu Gołbinarje swój pśiducy jubilej skóro zasej wóswěśiś! Mimo togo zgónijośo w tom serbskem knigłowem kalendarju, ga změju w Dešnje dobru góźbu za swěźeń, co janšojski fiepel a Luboraska Sahara jo, chto jo póžedał pisanje pismika ó w dolnoserbskej rěcy, dla cogo w běłoruskem Minsku Annemarie-polku rejowali su, kak dłujko muske a žeńske w mósćańskej cerkwi roztyl sejźeli su ... a napšawdu wjele drugego zajmnego.