Domownjowědny pśewóźujucy zešywk za wuknjecych „Źiśetstwo něga“ jo wujšeł. Wón jo se wudał pśez Rěcny centrum WITAJ w kooperaciji ze Źěłanišćom za serbske kubłańske wuwijanje Chóśebuz (ABC). Toś te knigły pomocne we wucbje wěcneje wědy su myslone za wukniki zakładneje šule a wšykne druge zajmce. W zešywku se wopisujo žywjenje, šulska wucba, grajkanje, źěło a druge zaběry źiśi we Łužycy w zajźonosći, głownje pśed něźi sto lětami. Wucbny material jo dwójorěcny: dolnoserbski a nimski. Knigły su nastali na zakłaźe górnoserbskego zešywka „Dźěćatstwo něhdy“. Awtorka jo dr. Gizela Brukowa. Dolnoserbsku wersiju stej naźěłałej p. d. dr. Timo Meškank a Werner Měškank.