JavaScript scheint in Ihrem Browser deaktiviert zu sein. Sie müssen JavaScript in Ihrem Browser aktivieren, um alle Funktionen in diesem Shop nutzen zu können.
Chórowy spěwnik nawjazuje na prěni zběrnik Krawcowych spěwow, kiž wuńdźe lěta 1994 w Ludowym nakładnistwje Domowina. Wobsahuje rjad dotal hišće njewozjewjenych originalnych kompozicijow kaž tež wobdźěłanjow serbskich ludowych spěwow w dwu- do pjećhłósnych sadźbach za dźěćace, žónske, muske a měšane chóry. Wosebitosć je zběrka 25 serbskich ludowych spěwow, “Słónčne pruhi I” (1927) a “Słónčne pruhi II” (1928), kiž bě Krawc tři- a štyrihłósnje za žónski chór wobdźěłał. Tutym sadźbam poda nimo serbskeho tež čěski a zwjetša němski tekst. Zajimcam serbskeje chóroweje hudźby předleži ze spěwnikom dalši wužitny material, kiž swědči wo Krawcowym mnohostronskim tworjenju jako komponist, wobdźěłar, dirigent a spěchowar chóroweho hibanja nic jenož w Serbach a wo jeho přećelskich stykach do Čěskeje.
artikel: na skłaźe
librowański cas (źěłabne dny): 2-3