Spiw „Rjana Łužica“ jo se prědny raz spiwał 17. oktobra 1845 w Budyšynje na prědnem spiwaŕskem swěźenju . W lětach na to jo bywał wěcej a wěcej woblubowany, tak až jo awansěrował k serbskej hymnje. Serbski wucabnik a etnograf Hendrich Jordan jo pózdźej pśestajił tekst do dolnoserbšćiny. Spisowaśel Kito Lorenc jo pó serbskem pśikłaźe twórił nimske zbasnjenje. Cd słužy na jadnom boce k dokumentaciji serbskeje hymny, na drugem boce ma pózbuźiś k sobu spiwanju.