Wo dobrym skutku a njewšědnym eksperimenće

Wo dobrym skutku a njewšědnym eksperimenće

Lektor LND Michał Nuk předčita něhdźe 20 zajimcam wurězki ze zběrki. Mjez druhim skedźbni wón citujo „na dobry skutk tehdyšeho Mužakowskeho knježka, kiž po nimale dospołnym zničenju městačka přez ‚woheń rozžahłosće‘ nowonatwar serbskeje cyrkwje a serbskeje šule ze swójskeje kapsy zapłaći“ kaž tež na „eksperiment awtora, kiž chcyše w Žitawje na swójskej koži nazhonić, kak z jatymi w tamnišim jastwje wobchadźeja“. Nimo toho wěnowaše so z wjacorymi krótkimi přikładami ćežišću antologije, mjenujcy „kak Němcy wo Serbach pisachu a při tym spytachu, klišeje a stereotypy wuwróćić – abo tež potwjerdźić“.

Po prezentaciji přepoda jednaćel LND Syman Pětr Cyž wudawaćelej dokładowy eksemplar knihi, kotruž na to tójšto kupcow nańdźe. Wo hudźbne wobrubjenje premjery postaraštaj so wjednica Běłowodźanskeje wotnožki wokrjesneje hudźbneje šule Třikrajowy róžk Dorothea Wollstadt na fleće a bywši wučer samsneho kubłanišća Michael Syrbe na e-pianje.

« zurück