Basnje, spěwy a kolebawki Handrija Zejlerja za dźěći znowa wušli
Wuběr Zejlerjowych basnjow za dźěći w serbskej a němskej rěči je Ingrid Juršikowa w lěće 2004 pod titulom „Babka pčołka/Tante Biene“ w LND wudała. Nětko, w jubilejnym lěće Handrija Zejlerja, wuńdźe zběrka w 2. nakładźe. Kniha, kotruž je Jutta Mirtschin barbnje ilustrowała, je za dźěći prěnjeje čitanskeje staroby. Serbskim tekstam su přidate němske přełožki znatych spisowaćelow kaž Jurja Brězana abo Kita Lorenca.