Aktualne informacije
Kniha „Čej’ da sy?“ podawa dohlady do serbskeho katolskeho swěta
Nawjazujo na wosebitu wustajeńcu w Serbskim muzeju ale jako swójska publikacija je w LND wušła dwurěčna kniha „Čej’ da sy? Einblicke in die sorbische katholische Welt“ pod redaktorstwom Tadeja Šimana. W njej zaběra so dwaceći młódšich a staršich awtorkow a awtorow ze serbskej katolskej kónčinu, pytajo za wotmołwami nic jenož k prašenjam identity, přisłušnosće abo swójbneho pochada.
dalše informacije»
Křižerjo w srjedźišću ─ Serbska protyka na lěto 2024 wušła
Dypkownje ze spočatkom nazymy dóńdźe tež lětsa najnowši lětnik Serbskeje protyki čitarjam do domu. Serbska protyka za lěto 2024 wabi čitarstwo do čitanja wěnujo so w praktiskej rubrice hojenju a lěkarstwu, we hłownym dźělu jutram, do- a pojutrownym přihotam a nadawkam, hlada kucharce a šwalči přez ramjo, wěnuje so křižerskej bitwje a křižerskim dopomnjenkam, a nazhonjenjam, a wězo poda so dale do dalokeho swěta.
dalše informacije»
Hrajkajo ličić wuknyć z nowej BOOKii-knihu
Nowa kniha za BOOKii-pisak předleži wotnětka w LND, a to za najmłódšich čitarjow, kiž hotuja so do pěstowarnje abo chcedźa sej hižo z ličbami hrajkać. „Lič zwěrjata wot 1 do 10“ poručuje so za dźěći wot 3 lět. Kniha z twjerdeho papjerca ma dźesać stronow, kiž je ilustratorka Carolin Görtler pisanje a za dźěći w mjeńšej starobje přiměrjene ilustrowała.
Nowa kniha Měrany Cušcyneje w Lipšćanskim nakładnistwje wušła
W Lipšćanskim nakładnistwje poetenladen je spočatk septembra wušła němskorěčna zběrka z basnjemi Měrany Cušcyneje pod titulom "innen bröckelt die unerhörte schicht". W njej rozestaja so awtorka z prašenjom, što je so pozhubiło abo što hrozy so pozhubjeć. Zdobom wobkedźbuje wšědne situacije w susodstwje serbskeje a němskeje rěče runje tak kaž njewšědne wosebitosće w dwurěčnosći
dalše informacije»
Nowe wotewrjenske časy Smolerjec kniharnje
Prošu wobkedźbujće nowe wotewrjenske časy Smolerjec kniharnje:
Wot wutory 05.09. 2023, je kniharnja w septembrje stajnje wot wutory do štwórtka, w času wot 11 do 17 hodź. wotewrjena.
dalše informacije»
Pettersson a Findus serbsce – dalši zwjazk w LND wušoł
Stanować – to je za dźěći rjane dožiwjenje, wosebje za čas prózdnin. Tež kocor Findus chce to rady wuspytać, jako připadnje na łubi stan namaka. Jeho knjez, starc Pettersson, je z tym přezjedny a wšo móhło tak rjenje być, nochcyli te hłupe kokoše tohorunja sobu. Kak a štó na kóncu woprawdźe w stanje přenocuje a što so do toho wšo stanje, to zhonja dźěći w nowej knize „Pettersson stanuje“ šwedskeho awtora Svena Nordqvista.
dalše informacije»
Rozhlad ma nowu zamołwitu redaktorku
Wot 17. julija 2023 přewozmje Hańžka Wjeselic z Drježdźan nawod redakcije Rozhlada w Ludowym nakładnistwje Domowina. Wona naslěduje mjez druhim redaktorow Katrin Čornakec a dr. Viktora Zakara.
dalše informacije»
Modlitwy za dźěći w dalšim nakładźe wušli
Předležaca knižka „Ruce swojej stykuju“, zestajeneje wot Ludmiły Bizoldoweje, je před wjace hač 10 lětami prěni raz w LND wušła a chce być podpěra za zhromadne modlenje w swójbje. Nětko je w 2., wobdźěłanym nakładźe znowa na předań a bu za to z widom na potrjeby dźensnišeho časa łahodnje wobdźěłana.
dalše informacije»
Dalši nakład „Po měsće z Alenu“ wušoł
Z knihu »Po měsće z Alenu« předpołoži Rejzka Delenkowa w lěće 2017 swoju prěnju swójsku publikaciju. Nětko je kniha mjeztym w 3. nakładźe w LND wušła.
dalše informacije»