Ludowe nakładnistwo Domowina

Dypkownje ze spočatkom nazymy dóńdźe tež lětsa najnowši lětnik Serbskeje protyki čitarjam do domu. Serbska protyka za lěto 2023 přeprošuje Was do Budyskich horow. Kak wotměnjawje hodźi so woblubowana protyka z tutej temu wuhotować, wo tym móžeće so na dołhich nazymskich wječorach při čitanju sami přeswědčić. Přetož kołowokoło hórskeho kraja chowaja so najwšelakoriše stawiznički a powěsće, zajimawostki a překwapjenki, wosobiny abo snano tež zadźěraty hórski ludźik?

dalše informacije»

Přichodnu srjedu zahaji Smolerjec kniharnja swoju lětušu pěstowarska akciju. Kniharnica Stefanie Zänkerjowa poda so do serbskich a dwurěčnych pěstowarnjow Hornjeje a srjedźneje Łužicy, zo by bohaty poskitk nakładnistwa na dźěćacych knihach a słuchoknihach pěstowarnjam a staršim předstajiła.

Nimo knihow změje lětsa nowum sobu – dwuřěčny barbny skazanski zešiwk za staršich, z kotrejež pomocu móža sebi zhromadnje ze swojimi dźěčimi knižne wudaća zwuběrać. A to nic jenož za předšulske dźěći ale tež za staršich bratrow a sotrow.

dalše informacije»

wot 1.10.2022 abo ručež móžno
wotměnjawe dźěłowe městno jako 

knižny wuhotowar (m/ž/d)

dalše informacije»

Hesła Ochranowskeje bratrowskeje wosady – to su wšědnje někotre krótke słowa z biblije – přewodźuja serbske křesćanske swójby přez lěto. Najnowše wudaće nětko w Ludowym nakładnistwje Domowina předleži.

dalše informacije»

Što maja spěw „Maći luba“, dźěćacy musical „Jandźel?“ a oratorij „Wětrnik a časy“ zhromadneho? Za wšěmi tutymi melodijemi chowa so Měrćin Weclich, wšudźe znaty serbski spěwar a komponist. W swojej awtobiografiji „Sonić – to tla z hrěchom njej’“ přeprosy wón čitarjow na pućowanje po swojim hudźbnym žiwjenju a prezentuje dopomnjenki a lóštne anekdoty ze swojeho wjace hač 50 lět trajaceho hudźbneho skutkowanja.

Premjerny koncert a knižna premjera

3.12.2022, 16.00 hodź., Kamjentny dom Budyšin

dalše informacije»

Dnjowniki Bogumiła Šwjele z lět 1897 do 1945 su jadnorazne awtentiske žrědło k serbsko-nimskej Łužycy za cas póznego kejžorstwa, Weimarskeje republiki a nacionalsocializma. Ako Spise Serbskego instituta su wujšli pód titlom „Aus dem Alltag eines wendischen Pfarrers“ w Ludowem nakładnistwje Domowina. Wudawaŕka dr. Annett Brězanec jo wšykne Šwjelowe dolno- a górnoserbske zapise pśestajiła, tak až su dnjowniki dopołnje w nimskej rěcy pśistupne.

dalše informacije»

Měrana Cušcyna słuša k znatym serbskim basnicam a přełožerkam. Wona pisa hižo dołho nimo basnjow najwšelakoriše teksty, kiž w zběrce krótkoprozy „Stop a stup“ z lěta 2021 předleža. Za runje w LND wušłu słuchoknihu „Flockdownkino“ je Měrana Cušcyna wubrała někotre powědki z knihi: „Krawata“, „Čerwjenawka“, „Wažny pismik“, „Doktor Fridolin Fumlofak“, „Flockdownkino“ a dalše.

Słuchokniha je tež jako mp3 download přistupna.

dalše informacije»

Basnje a pěsnje Handrija Zejlerja su bohate žórło žiwjenskich mudrosćow, kiž su swoju płaćiwosć do dźensnišeho wobchowali. Najpopularniše z jeho poetiskich štučkow, kaž “Wuzwol sej pućik žiwjenja …” znajemy z poezijowych albumow. Předležaca, wot Marki Maćijoweje zestajena a wot grafikarki Isy Bryccyneje wuměłsce wuhotowana zběrka „Čas ma křidła“ skići wuběr 150 najrjeńšich Zejlerjowych hrónčkow.

dalše informacije»

„Naša serbska knihaʺ ─ pod tutym hesłom pokročowaše Ludowe nakładnistwo Domowina w tutym šulskim lěće ze swojim wosebitym projektom za serbskich šulerjow. Po jara wuspěšnym zazběhu ze šulerjemi Serbskeje wyšeje šule Ralbicy lěta 2019 a loni ze Serbskim gymnazijom Budyšin je nětko dalša swójska kniha ze 6. lětnikom Serbskeje wyšeje šule Worklecy nastała. Jeje awtorojo a ilustratorojo su znowa serbske holcy a hólcy, kiž smědźachu pod temu „Powěsće a legendy“ swoju kreatiwnu žiłku na polu prozy wuspytać.

dalše informacije»

Pisany swět jězdźidłow steji w srjedźišću noweje wobrazoweje knihi z LND za dźěći wot dweju lět, kotruž je Štefan Paška z němčiny přełožił. Starši njech zhromadnje ze swojimi dźěćimi pohladaja do swěta jězdźidłow a nazhonja wjele wěcow kołowokoło brunčakow. Prawa to kniha za zaběru tež w pěstowarni, doma w dowolu abo na wopyće pola dźěda a wowki.

dalše informacije»