Aktualne informacije
Aprylske wudaće Płomjenja tule čitać!
Dokelž přińdu šulerjo – a z tym čitarjo Płomjenja – hakle najzašo 20. apryla zaso do šule, je so redaktor Pětr Šołta rozsudźił, jutrowne wudaće najprjedy raz do interneta stajić.
Tak móža holcy a hólcy hižo doma w časopisu listować a čitać.
dalše informacije»
Nasćěnowa protyka »Moja Łužica – Meine Lausitz – Mója Łužyca 2021« wušła
Tež za lěto 2021 bě fotograf Wolfgang Wittchen po puću, zo by znowa spodobne motiwy za runje w Ludowym nakładnistwje Domowina wušłu nasćěnowu protyku »Moja Łužica – Meine Lausitz – Mója Łužyca« zapopadnył.
Hižo na titulnym łopjenu strowi wužiwarja noweje protyki jeho domizna – putniska cyrkej w Róžeńće. Wolfgang Wittchen je ze swojej kameru znowa idyliske krajiny, turistiske wjerški a tradicionelne swjedźenje we Łužicy fotografował.
dalše informacije»
Dalša »Wroblik Frido-kniha« na jutry přihotuje
Wroblik Frido a jeho přećeljo su zaso po puću – w nowej jutrownej stawiznje spisowaćelki Jěwy-Marje Čornakec, kiž swój wuspěšny rjad z tym dale wjedźe. »Kak su wroblik Frido a jeho přećeljo jutry zaječki překwapili« rěka najnowša kniha, kiž so wuběrnje do jutrowneho hněžka hodźi.
dalše informacije»
Wobrazowy zwjazk wo křižerjach wušoł
Wobrazy znateho serbskeho fotografa Maćija Bulanka zwjazać z popularnej serbskej temu – křižerjo – bě myslička Ludoweho nakładnistwa Domowina při koncipowanju předležaceho wobrazoweho zwjazka. Za domoródnych kaž tež za wopytowarjow Łužicy předleži nětko kniha „Jutry doma. Osterreiten“ z wuběrnymi barbnymi motiwami.
Knižna premjera je wotprajena!
19.03. 2020, 19.30 hodź., Smolerjec kniharnja Budyšin
dalše informacije»
„Naša serbska knihaʺ ̶ wosebity projekt LND lětsa na Serbskim gymnaziju w Budyšinje
„Naša serbska knihaʺ ─ pod tutym hesłom pokročuje Ludowe nakładnistwo Domowina lětsa ze swojim wosebitym projektom za serbskich šulerjow. Po lońšim jara wuspěšnym zazběhu ze šulerjemi Serbskeje wyšeje šule Ralbicy ma w přichodnych tydźenjach swójska kniha ze 7. lětnikomaj Serbskeho gymnazija Budyšin nastać.
dalše informacije»
Gramatiske tabulki za wučbu serbšćiny
Kak ma prawje rěkać: My twarjachmy abo my twarichmy? Je kopar dwě wroće abo dwoje wrota třělił? Jěmy całtu z mědom abo z mjedom? Deklinuje so słowo mawt kaž hat abo kaž tomata? Na tajke a podobne prašenja wotmołwja nowa kniha z titulom „Gramatika. Tabulki a přehlady za wučbu serbšćiny”, kotruž je Rěčny centrum WITAJ wudał. Přiručka je w prěnim rjedźe myslena do ruki šulerkow a šulerjow wot 5. do 12. lětnika a předstaja wšitke wažne wobłuki hornjoserbskeje morfologije.
dalše informacije»
Kak móže dźiwadło žiwjenje dźěsća změnić – nowa dźěćaca kniha wušła
Žiwjenje w dźěsćowni a fascinacija dźiwadła stej temje noweje knihi z LND za čitarjow wot 11 lět. Pod titulom „Dźiwadło njewidźomnych dźěći‟ je pólski spisowaćel Marcin Szczygielski putacu stawiznu, kotraž hraje w času Solidarnosće w 1980tych lětach, napisał. Do serbšćiny je ju přełožił Jan Měškank. Što wočakuje młodeho čitarja?
dalše informacije»
Nowy hornjoserbski wobrazowy słownik “Swět wokoło nas” słuchać a čitać
Kónc lěta 2019 wuda Rěčny centrum WITAJ wobrazowy słownik “Swět wokoło nas”. Awtorka Daniela Heelemanowa je pisany słownik z něhdźe 1150 hornjoserbskimi hesłami zestajała. W nim so temy ze žiwjenskeho swěta dźěći w starobje wot 5 do 10 lět wobjednawaja. Berlinska ilustratorka Gudrun Lenz je kóždemu hesłu wotpowědnu ilustraciju stworiła a přidatnje jara žiwe wulke tematiske wobrazy namolowała.
Wužiwarjo tuteje nowostki zeznaja dźěći Šołćic swójby - dźesaćlětneho Tadeja, sydomlětnu Leńku a pjećlětneho Bena. Wone přeprošuja małych a wulkich čitarjow, pohladnyć do jich swěta, w kotrymž móža jich swójbu a jich wšědny dźeń doma, w šuli a w pěstowarni zeznać.
dalše informacije»
Nowa dźěćaca kniha Dorotheje Šołćineje wušła
Napjatu nowu hodownu stawiznu je awtorka Dorothea Šołćina pod titulom „Jank a Majka w njebjesach“ za dźěći wot 4 lět napisała, wjetše dźěći móža ju tež sami čitać. Rjane barbne ilustracije, kiž tak prawje na hodowny čas přihotuja, je Friederike Ablang zhotowiła.
Wo čo dźe w tutej hodownej knize?
dalše informacije»
Dalša dźěćaca kniha za słuchopisak BOOKii předleži
Po tym, zo je loni prěnja serbska kniha za pěstowarske dźěći w kombinaciji ze słuchopisakom BOOKii wušła, sćěhuje lětsa dalša. Za dźěći wot 3 lět předleži nětko kniha za nawuknjenje časnika. Přez wjerćenje wulkeju čerwjeneju pokazowakow widźi dźěćo, što Ida a Tom ze swojim psyčkom Linusom w běhu dnja wšitko dožiwjataj. Stłóči-li z BOOKii-pisakom na wšelake městna w knize, móže słuchać, što dźěsći ze swojimi přećelemi powědataj, z kim sej hrajkataj abo doma, w pěstowarni a na sportnišću dožiwitaj.
Słuchopisak BOOKii ma so separatnje skazać.
dalše informacije»