Aktualne informacije

Źilka wózjawijo swóju prědnu zběrku lyriki
Źilka wózjawijo swóju prědnu zběrku lyriki

Mjasec do prědnych postpandemiskich knigłowych wikow w Lipsku wózjawijo lyrikaŕka Źilka w Ludowem nakładnistwje Domowina swóju prědnu zběrku dolnoserbskich a nimskich basnjow. Pód titlom „Pyšpot procha ∙ In Sand und Wolken geschrieben“ wuzgónjujo wóna na cuśniwy part, kak su spleśone rěc, identita a domownja, a mimo togo nejkšasnjejše cłowjecne gnuśe – tu lubosć.

dalšne informacije»
Wědomnostne knigły Waltera Wenzela znowego na pśedań
Wědomnostne knigły Waltera Wenzela znowego na pśedań

Južo dlej rozpśedane knigły „Lausitzer Familiennamen slawischen Ursprungs“ znatego lipščańskeho mjenjowědnika Waltera Wenzela su zasej w 2. nakłaźe na pśedań. Wěcej ako 5500 familijowych mjenjow serbskego, pólskego a českego pochada jo awtor Walter Wenzel z telefonowych a adresowych knigłow za toś ten kompendium zgromaźił a dajo z tym zajimny doglěd do sedleńskich stawiznow tśikrajowego rožka Česka – Šlazyńska – Łužyca.

dalšne informacije»
Wjerbno titelna wjas w nowej Pratyji
Wjerbno titelna wjas w nowej Pratyji

Nowa Serbska pratyja jo dypkownje srjejź nazymskego mjaseca w LND wujšła a dojźo w pśiducych dnjach ku kupcam. Rownož ma Wjerbno juž tłustu wejsnu chroniku, zgóniju wjerbańske a wšykne druge cytarje w nowej Pratyji wjele njeznatego wó tej titelnej jsy – lěc žydojskich kšamarjach, bibliotece juž wót lěta 1887, wójnje gmejny z kněžkami abo tradiciji serbskego spiwanja.

dalšne informacije»
„Bóže słowo na kuždy źeń 2023“ wujšło
„Bóže słowo na kuždy źeń 2023“ wujšło

Gronka ochranojskeje bratšojskeje wósady pśewóźuju serbske kśesćijany pśez cełe lěto. Nejnowše wudaśe něnt w Ludowem nakładnistwje Domowina pśedlažy. Ekumeniska źěłowa kupka za cytanje biblije jo wubrała gronko lěta 2023 z prědnych knigłow Mojzasa.

dalšne informacije»
 Dnjowniki fararja Šwjele wujšli
Dnjowniki fararja Šwjele wujšli

Dnjowniki Bogumiła Šwjele z lět 1897 do 1945 su jadnorazne awtentiske žrědło k serbsko-nimskej Łužycy za cas póznego kejžorstwa, Weimarskeje republiki a nacionalsocializma. Ako Spise Serbskego instituta su wujšli pód titlom „Aus dem Alltag eines wendischen Pfarrers“ w Ludowem nakładnistwje Domowina. Wudawaŕka dr. Annett Brězanec jo wšykne Šwjelowe dolno- a górnoserbske zapise pśestajiła, tak až su dnjowniki dopołnje w nimskej rěcy pśistupne.

dalšne informacije»
Jill-Francis Ketlicojc powědki za dźěći předpołožiła
Jill-Francis Ketlicojc powědki za dźěći předpołožiła

To drje je nowum w serbskej dźěćacej literaturje! – Pod titulom „Zaječk hłupačk a druhe powědki“ předpołoži delnjoserbska awtorka Jill-Francis Ketlicojc swoje zabawne powědki nětko tež hornjoserbsce. Loni w delnjoserbšćinje wušłe, je tute Jan Měškank přełožił.

dalšne informacije»
Nowe knigły z Pettsonom a Findusom
Nowe knigły z Pettsonom a Findusom

Starki Pettson a kócor Findus stej pla źiśi wjelgin znatej a kradu woblubowanej. Šwedski spisowaśel Sven Nordqvist jo napisał cełu seriju wó nima. W dolnoserbskem pśełožku Madleny Norberg pśedlažy něnt druge jogo wulicowańko Findus a góńtwa za lišku“. Knigły za źiśi wót 4 lět su teke rědny dar do jatšownego gnězda.

dalšne informacije»
Z nowym wudaśim su lubawki Bogumiła Šwjele zas pśistupne
Z nowym wudaśim su lubawki Bogumiła Šwjele zas pśistupne

Serbske prepozicije su byli Šwjelowe lubawki, pśeto wóni su trjebne za rědne serbske grono. Zezběrane wob lětźasetki w serbskich jsach a zestajane do nastawka jo Šwjela je nejpjerwjej wózjawił w Časopisu Maćicy Serbskeje w lětoma 1933/34 a ned 1934 jo je wudał ze swójim nakładom w budyšyńskej Smolerojc śišćaŕni. Z pomocu reprintowego wudaśa móžomy něnt zas wuzbadaś wósebnosći našeje rěcy.

dalšne informacije»
Zasej póbitujomy ꟷ Duchowne kjarliže
Zasej póbitujomy ꟷ Duchowne kjarliže

Spěchowańske towaristwo za serbsku rěc w cerkwi a Ludowe nakładnistwo Domowina stej se rozsuźiłej za wudaśe 2. nakłada dolnoserbskich spiwaŕskich z lěta 2007, za tym až su se slědne eksemplary w slědnem lěśe do corony pśedali. Něnt spiwaŕske zas pśedlaže, a to zawcasa k jatšam a k 300. serbskej namšy nowšego casa 24. apryla 2022 w Dešnje.

dalšne informacije»
„WAS IST WAS“ prědny raz dolnoserbski
„WAS IST WAS“ prědny raz dolnoserbski

Prědny raz su knigły z woblubowanego rěda „WAS IST WAS“ w dolnoserbšćinje wujšli. Pó dłujuckem cakanju su serbskemu nakładnistwoju skóńcnje pśiwózyli wuśišćane eksemplary źiśecych knigłow „Wulicuj mě wó lětnych casach“. Su to mjaztym tśeśe dolnoserbske knigły LND za BOOKii-pisak, za kótarež jo se Gerald Schön wó nagrawanje tekstow a spiwow starał. Pśestajił jo tenraz Erwin Hanuš.

dalšne informacije»

Zurück 1 2 3 4 5 6 7 8 9 Vor