Južo na titelowej stronje strowi wužywarja nowego kalendarja jogo domownja – putnikowańska cerkwja w Róžanśe. Wolfgang Wittchen jo ze swójeju kameru znowego idyliske krajiny, turistiske wjeraški a tradicionalne swěźenje we Łužycy fotografěrował. Lěc pśi zapusśe we Wjerbnje, pśi smalenju na jetski pó Lejnjańskem jazorje abo pśi łojenju rybow w Rakecach – pśecej jo pśiglědowaŕ mjazy nimi. Nazgónity fotograf zamóžo architektoniske drogostki we wobrazu zapópadnuś, lěc jo to restawrěrowany grod w Stróži, cerkwja w Gołkojcach z w lěśe 1848 natwarjonym zwónowym tormom, Mužakojski grod w nazymskej sukni abo gódownje wupyšnjona cerkwja w Hodźiju. Ze swójim pśeglědnim wugótowanim dajo kalendaŕ teke dosć městna za wósobinske zapiski a njaso pitśku domownje do domu.