wopisanje
Luiza, Jan a Damian smědźa někotre dny pola wowki a dźěda na wsy přebywać. To je wjeselo, wšako mataj wowka a dźěd stajnje chwile a w zahrodźe a lěsu móža so dźěći wuběhać. Tola tež na łubi chowa so mnoho zajimaweho a putaceho! Luizy so wosebje wutykana sowa Otilija lubi. Jako dźěd dźěćom přeradźi, zo je tež w bliskim lěsu hižo sowu wuhladał, njedadźa wone hižo měra. Chcedźa sowu widźeć! Hač pak ju wodnjo nadeńdu? Abo dyrbja traš póćmje do lěsa hić? Prěnja dźěćaca kniha z pjera Měrany Cušcyneje puta dźěći wot 4 lět ze swojej wobrazliwej rěču. Barbne ilustracije Gudrun Lenz wuběrnje z tekstom korosponduja. Kniha hodźi so jara derje k předčitanju, ale tež jako prěnja lektura za dźěći, kiž su runje čitać nawuknyli.
Zusatzinformation
ISBN | 978-3-7420-2233-3 |
---|---|
rěc artikela | górnoserbski |
bibliografiske daty | 2012 44 s., mnoho barbnych wobrazow, kruta wjazba |