Na jadriwe a lochke wašnje wopisuje awtor najwažniše dypki, kaž na přikład přednjesenje ewangelija a próstwow abo přežohnowanje, a podawa k tomu słowa měšnika. Ilustrator je ke kóždej situaciji rysowanku dodał, zo bychu mali a tróšku wjetši připosłucharjo wšitko lěpje rozumili. Knižku w přiručnej wulkosći móža sebi dźěći – kaž dorosćeni Wosadnik – sobu kemši wzać abo sej krótke teksty wot staršeju, wowki abo dźěda, kmótry abo kmóta doma předčitać dać.