Najlubše zwěrjo, najlubši star, najlubša kniha … . Předležacy album skića dźěćom móžnosć, 26 swojich přećelow zapisać dać. Šćěpan Hanuš je pjeć přewšo pisanych a lóštnych ilustracijow na temy dinosawriery, sport, jewišćo, swět pod wodu a zwěrjata stworił, tak zo namkaja hólcy a holcy w samsnej měrje swój najlubši motiw.

Cyłkownje skića wudaće 26 přećelam městno za zapiski. Za někotre prašenja su wjacore móžne wotmołwy hižo podate, tak zo trjeba dźěćo jenož wotpowědnu nakřižikować. Swoju najlubšu frizuru smě same narysować, a wězo je tež městno za foto rezerwowane. Ale to najrjeńše na tajkim albumje je, zo změje wobsedźer/ka tež za dźesać abo dwaceći lět hišće rjanu dopomnjenku na dźěćace lěta.
Wot 8 lět