Wopisowanje
Na lěsnej łuce knježi hołk a tołk a wšitcy chwataja na wulki hermank. Tež žabka Šlapka a jeje přećeljo myška, jěžik a šwjerče nochcedźa tutón wažny podawk skomdźić. Napjeku tykanc, nazwučuja program a předstaja jón publikumej. Jako dźak dóstanu pisane zwěrjeće balonki. Tajki žabkacy je sej Šlapka přeco hižo přała a je wša zbožowna. Dołhož so ći tamni na hoberskim kole a při třělenskej budce zabawjeja, smě wona wšě balonki dźěržeć. Ale što to? Naraz duja wětřikec hólcy přez łuku tak mócnje, zo pozběhnje so žabka dowysoka. Šlapka wostanje w štomje wisajo, ale potom potorha wětrik wo hałzu a wona leći dale a wyše. Balonki pušćić, kaž běchu jej přećeljo radźili, nochce. Tuž leći přez kraj łužow a hatow a wjeseli so hižo na Afriku, njebyli wyše njeje škraholc zalětował. Štó móže jej nětko hišće pomhać?
Zusatzinformation
ISBN | 978-3-7420-2288-2 |
---|---|
rěč artikla | hornjoserbsce |
bibliografiske daty | 2014 16 s., barb. il., brošura |