Beschreibung
W dwanatym měsacu hlada wšěm dźěło do rukow: Mister X chodźi po měsće a rozdźěla mysteriozne hodowne postrowy, palčička Luiza twori w rumpodichowej dźěłarni nanajlubše pleńčatka a zabyćiwy Oliwer pyta kmanu chowanku za maćerny hodowny dar. A naposledk so tež hišće wowcyny Boži narodk pali! Po telko hodownikowanju pak knježi patoržicu mjez dźěćimi sama napjatosć. Je nank tón rumpodich? Hdźe wostanje online skazana jědlenka? Spjelni so són wo kristalowym konju? A dokal je so poprawom hodowna husyca Lejna zminyła? Wotmołwu na wšě te prašenja dóstanu mali čitarjo wuwzaćnje hižo do hód, a to wot 33 awtorow, kiž su lóštne a putace powědki a basnje za nje napisali. Wudawaćelka Ingrid Juršikowa je nimale 40 přinoškow wopřijacu pisanu čitanku zestajała a Jutta Mirtschin stwori k tomu přewšo powabliwe ilustracije. Njeje to krasne wobradźenje?!
Awtorki a awtorojo
Hańža Bjeńšowa, Jurij Brězan, Beno Budar, Andreja Chěžcyna, Jakub Bart-Ćišinski, Jěwa-Marja Čornakec, Měrana Cušcyna, Rejzka Deleńkec, Róža Domašcyna, Benedikt Dyrlich, Monika Dyrlichowa, Pawoł Grojlich, Lubina a Dušan Hajduk-Veljković, Ingrid Hustetowa, Jurij Koch, Křesćan Krawc, Marja Kubašec, Lenka, Kito Lorenc, Lydija Maćijowa, Jan Měškank, Měrka Mětowa, Diana Nagelec, Michał Nawka, Jan Radyserb-Wjela, Sylwija Šěnowa, Madleńka Šołćic, Dorothea Šołćina, Měrćin Wjenk, Alfons Wićaz, Wórša Wićazowa, Jan Wornar
Zusatzinformation
ISBN | 978-3-7420-2272-1 |
---|---|
Sprache des Artikels | Obersorbisch |
Bibliografische Angaben | 1. nakł. 2014, 228 s., barbne il., kruta wjazba |