Kotry wliw mějachu ideje Luthera a Melanchthona na Serbow a kak přesadźi so reformacija we Łužicy? Kajke wuskutki měješe reformatoriski princip wužiwanja maćerneje rěče na Bože słužby a na wudaće serbskich spisow? Kotre impulsy přinjese pietizm a čehodla so Serbja wot 19. lětstotka sem dale a bóle asimiluja, byrnjež tehdyše serbske ewangelske žiwjenje njesměrnje bohate było?

Na zakładźe mnohich přinoškow wšelakich awtorow so w předležacej, z wjele wobrazami wuhotowanej publikaciji wuskutki reformacije na Serbow prěni raz nazornje a kompaktnje w serbskej a němskej rěči předstaja. Při tym so pokaza, zo běchu spěchowanje serbskeje rěče w cyrkwi, prócowanje wo kubłanje šulerjow, mnohostronske skutkowanje towarstwow, ale tež zwólniwosć k ekumenje přeco wotwisne wot jednotliwcow, kotřiž so wutrajnje a z krutej wolu za serbske zajimy zasadźowachu a so wotpowědnje česćuja.

Kniha spěchuje so we wobłuku projektoweho zwjazka »wobliča reformacije« wot społnomócnjeneje zwjazkoweho knježerstwa za kulturu a medije na zakładźe wobzamknjenja Němskeho zwjazkoweho sejma spěchujetej.