Tim je ze staršimaj, sotru Milenku a micku Minku z města na wjes ćahnył. Hač doma, na sportnišću abo samo w cirkusu – na njeho čaka tójšto dyrdomdejow. Cyłkownje 14 čitančkow wo hólčecu a jeho dožiwjenjach wobsahuje prěnja dźěćaca kniha Worklečana Štefana Paški. Nowostka je rjany dar šulskim nowačkam, wšako je wosebje za dźěći myslena, kotrež čitać wuknu.
Wot 6 lět

„Wobsah je po ćeži tekstow do třoch barbow rozdźěleny (žołte, zelene, čerjwene). To mam za spomóžne, wšako móža dźěći same rozsudźić, do kotreje stawiznički  ─ čitanskim zamóžnosćam wotpowědnje  ─ chcyli so jako prěnje zanurić, jeli so jim do toho zmysł barbow wujasni. Tež pismo je wotpowědnje ćežkosći tekstow do třoch wobłukow rozdźělene."
Anja Nowakowa