Ródna wjes Kukow, studijne město Praha, šěsć wšelakich farskich městnow, klóšter a hojernja za alkoholikarjow su wažne žiwjenske stacije serbskeho basnika a duchowneho Jakuba Barta-Ćišinskeho (1856-1909). W cyrkwinskej słužbje dyrbi šěsnaće z cyłkownje dwaceći lět zwonka Łužicy skutkować. Nanuzowana izolacija so do płódneho literarneho tworjenja přewobroći: Mjez 1884 a 1908 nasta třinaće basniskich zběrkow.
Jakub Bart-Ćišinski so wot folklorneje poetiki wotmjezuje a přibliži serbsku lyriku formalnym a estetiskim narokam europskeje literatury.
Studentka poda so na slědy Ćišinskeho, zo by wosobinu a tworjenje basniskeho ženija ze wšěmi konfliktami a přećiwkami z dźensnišeho wida dodniła.