Bóže słowa na kuždy źeń 2021 su se južo 2. maja 2018 w Ochranowje wulosowali. Pótom je wobźěłaŕ z Ochranojskeje bratšojskeje wósady se góźecy wucbny tekst z Nowego testamenta kaž teke smužku z kjarliža abo módlitwu pśirědował. Gótowy manuskript w nimskej rěcy jo se rozesłał 55 pśestajarjam a pśestajaŕkam na cełem swěśe, kenž su swóju rěcnu wersiju za śišć pśigótowali. Tak móžo teke lětosa toś ten pśewódnik, kótaryž jo zestajił znowotki Hartmut S. Leipner, scasom swóju drogu do serbskich kśesćijańskich familijow namakaś.