Pórucyjomy śi slědujuce wašnje zapłaśenja, z kótarychž wubjeŕ se tu za tebje optimalnu:

• zapłaśenje doprědka
• zliceńka
• SEPA-wótśěgnjenje (pó pśistupnjenju)

Zapłaśenje doprědka

W běgu 2 do 3 dnjow dostanjoš wót nas zliceńku. Skazanu wóru śi na 14 dnjow rezerwěrujomy a w běgu 2 źěłabneju dnjowu pó dochaźe zliceńskeje sumy na našom konśe pósćelomy.

Zliceńka

Z wóru dostanjoš zliceńku, kótaruž dejš w běgu 30 dnjow zapłaśiś. Gaž sy prědny raz abo z wukraja skazał/-a, musyš zliceńku doprědka (do librowanja) zapłaśiś. Pla nowych kupowarjow, pśi librowanju na zliceńku do EU-wukraja a we wósebnych padach, kaž  kontrolěrowanje dla bonity a gaž pśi dochadanju skazanki hyšći njezapłaśone zlicenki se napominaju, wuměnijomy sebje zapłaśenje doprědka (do librowanja). Librujomy akle pó dochaźe zliceńskeje sumy na našom konśe.

SEPA-wótśěgnjenje (pó pśistupnjenju)

Gaž sy pla nas z wužywarskim kontom registrěrowany/-a, móžoš nam, teke za pśiduce skazanki, z toś tym formularom mandat za SEPA-wótśěgnjenje daś. Za to dejš formular wuśišćaś, wupołniś, pódpisaś a nam z postom pśipósłaś. Gaž nam wupołnjony a pódpisany formular pśedlažy, dajomy śi z twójogo wužywarskego konta pśistup k SEPA-wótśěgnjenju. Pótom wótśěgnjomy zliceńsku sumu twójeje skazanki wót bankowego konta, kótaryž sy nam pódał/-a

Płaśenje z PayPal

Wjaselimy se, Wam PayPal ako metodu płaśenja póbitowaś móc. PayPal zmóžnijo Wam wěste, malsne a jadnore wótwiśe Wašogo płaśenja. Pśi wuzwólenju PayPal se direktnje k PayPal dalej wjeźośo, źož móžośo se ze swójimi pśizjawjenjami pśizjawiś a płaśenje wobkšuśiś.
Pšosym źiwajśo na to, až se transakcija wótpowědnje wužywańskim wuměnjenjam wót PayPal pśewjeźo. Dalšne informacije namakajośo pód www.paypal.com. Ewentualnje pśiběrajuce płaśonki z boka PayPal nosymy za Was.