Prošu wobhladaj sej woměrje naš poskitk. Wuzwol sej za to jednu z třoch rěčow našeje online-kniharnje, hornjoserbšćinu, delnjoserbšćinu abo němčinu. Na kategorijowych stronach móžeš pytanje wobmjezować, tež po rěčach, w kotrychž su knihi a dalše artikle Ludoweho nakładnistwa Domowina wušli. Wopisanje artiklow we wobchodźe stanje so w rěči artikla.

Zo by něšto skazać móhł/-a, dyrbiš jednotliwe titule, kotrež chceš skazać, do skazanskeho korbika połožić. Za to kliknješ na korbikowy symbol pod artiklom.

1. Skazanje

Wjedźemy će krok po kroku přez skazanski proces. Wobsah skazanskeho korbika je hač do wotzamknjenja skazanki njezawjazowacy a hodźi so kóždy čas změnić: artikl přidać, z korbika wzać abo korbik cyle wuprózdnić. Po kóždej změnje jewi so awtomatisce nowy wobsah korbika.

Skazanka so zahaji, hdyž w napohledźe ze skazanskim korbikom na button „dale ke kasy“ kliknješ. Maš potom móžnosć, so ze swojimi wužiwarskimi datami přizjewić abo jako hósć ze skazanskim procesom pokročować. Na to zapodaj swoje wosobinske daty, kotrež su za skazanku trěbne, do formularow „adresa zličbowanki“ a „adresa dodawanja“ (krokaj 1 a 2) Z * woznamjenjene pola su winowatostne pola. Potom pokročuj ze skazanskim procesom. Informujemy tebje wo wašnju a kóštach dodawanja (krok 3). Po tym wuzwol sej prošu, kak chceš tworu zapłaćić (krok 4). W posednim kroku do zakónčenja skazanki pokazamy tebi hišće raz wšě twoje podaća, zo by móhł/-a móžne zmylki skorigować abo změny přewjesć (krok 5).

Za skazanje download-artiklow dyrbiš sej wužiwarske konto zarjadować. Tam stajimy tebi download k dispoziciji.

2. Skazanku wotpósłać

Wotzamknješ swoju skazanku z tym, zo ju nam kliknywši na knefl (button) „Skazać z winowatosću płaćenja“ posrědkuješ. Z wotpósłanjom skazanki je tuta za tebje zawjazaca, t. r., zo so zawjazaš wšón wobsah skazanskeho korbika kupić. Sy-li jako wašnje zapłaćenja direktnu přepokazanku abo kreditnu kartku wolił, wjedźemy će po tym awtomatisce k internetnej posłužbje, přez kotruž so tutej wašni zapłaćenja realizujetej. Po wotzamknjenju zapłaćenja wróćiš so zaso na našu stronu.

3. Wobkrućenje dóńdźenja skazanki a wobkrućenje nadawka

Bjezposrědnje po wotpósłanju skazanki tebje z e-mailu informujemy, zo je twoja skazanka dóšła. Wobkrućenje jeje dóńdźenja stanje so awtomatisce a njewoznamjenja, zo smy zrěčenje přiwzali. K wotzamknjenju kupneho zrěčenja hakle dóńdźe, hdyž twój zrěčenski poskitk, kotrehož wobstatk je twoja skazanka, přiwozmjemy. Přiwzaće stanje so z tym, zo tebi wobkrućenje nadawka jako e-mail připósćelemy, w kotrejž tež termin dodawanja zdźělimy.

4. Dodawanje

Rozesćelemy swoje artikle přez Němski póst a přez DHL. Čas dodawanja wučinja w Němskej 2 dźěłowej dnjej a zwonka Němskeje 7 do 20 dźěłowych dnjow po přiwzaću twojeje skazanki z našim wobkrućenjom nadawka.

Při prěnim płaćenju z poćeženjom (Lastschriftverfahren) wučini čas dodawanja 2 dźěłowej dnjej po dnju, na kotrymž nam wupjelnjeny a podpisany SEPA-mandat předleži. Při płaćenju do dodawanja wučinja čas dodawanja 2 dźěłowej dnjej po dóńdźenju pjenjez.

Z wupósłanjom twory dóstanješ wot nas e-mail z wobkrućenjom wupósłanja.

Download-artikle steja při zapłaćenju z kreditnej kartu abo při direktnym zapłaćenju bjezposrědnje po zakónčenju płaćenskeho procesa we wužiwarskim konće za download k dispoziciji. Při tamnych wašnjach zapłaćenja stajimy download z wupósłanjom wobkrućenja nadawka k dispoziciji, při zapłaćenju do dodawanja, po tym zo su pjenjezy na naše konto dóšli.

5. Wotkładowanje, rěčne wersije a powšitkowne wobchodne wuměnjenja (AGB)

Tekst zrěčenja (Powšitkowne wobchodne wuměnjenja/AGB a twoje indiwiduelne skazanske daty) so pola nas elektronisce składuje a so tebi na twoje přeće připósćele. Zrěčenje wotzamknje so w tej rěči, w kotrejž sy skazanku wotpósłał/-a. Wotwisnje wot woleneje rěčneje wersije je to hornjoserbšćina, delnjoserbšćina abo němčina. Powšitkowne wobchodne wuměnjenja (AGB) a powučenje wo cofnjenju za skazanje w našim shopje móžes sej tule wobhladać.